سەرنووچە:

دادگەهێ و داوەران چ گوت و چ دڤێت؟

PM:11:23:09/08/2021
3056 جار خوێندراوەتەوە
خەتاب عومەر
+ -

د کەیسێن گرتیێن بادیناندا تا نوکە ژی روون نینە دادگەهـ و دەزگەهێن ئەولەکاریێ چ دڤێت و دڤێن چ بێژن؟



قوناغا ڤەکۆلینا ڤان گرتیان لسەر خۆنیشاندان و ئالۆزیان و دروستکرنا گرۆپان ل واتس ئاپی هاتیەکرن، وان ژی دان ب هندێ نایە کو خۆنیشاندان کرینە و گرۆپێن واتس ئاپی هەنە و ئەم هەمی دخوازین خۆنیشاندانان بکەین و مە ێت کرین و دێ کەین.


ل دەما ڤەگۆهاستنا وان بۆ دادگەها تاوانێن دوو ل هەولێرێ ل سەر سیخۆریکرن بۆ قونسلی و سەفارەتا و هەماهەنگیا وان دگەل پەکەکێ تومەتبار کرینە و وان رەتکری یە .


ل دەما بەلاڤکرنا ڤیدیۆا ل میدیایێ کو مەزنترین پێشلکاریا یاسایی بوو وان بەحس ل بابەتەکێ دی کر دگەل هندێ دا کو دەنگ و ڤیدیۆ هاتبوو برین و ئەڤە ب چ رەنگا ب تێگەهشتا یاسایێن سەردەم و شارەزاێن ئەلکترۆنی نابیتە بەلگە، ب کورتی ڤیدیۆیا وان چ پەیوەندی ب بابەتێ ناڤ کەیسی نەبوو.

دادگەها پێداچوونا هەرێمێ ب بڕیارا خۆ ئێلاکر کۆ گرتنا ڤان چ پەیوەندی ب گرۆپ و چەکی و ڤان بابەتا ڤە نەبوو بەروڤاژی قوناغێن پێشتر بەلکۆ زێدەتر تیشک خستە سەر سیخۆریکرن بو قونسلگەریا ئەمریکا و ئەلمانیا، و بابەت وێڤەتر بر.


دادگەها پێداچونێ بۆ راستڤەکرنێ کۆ هەمان دادوەر بوون تیشکا خۆ لادا و بابەت هەلاویستی هێلا ئێدی دیار نەبوو دکویێ پرۆسا کۆ ب یاسایێ ڤە گرێداین چ دڤێن و کیش توهمەتە ل سەر وان ساخبووی ب بەلگەێن پێتڤی واتس ئاپ یان مسنجەر؟ و چ بڕیار دهێتەدان ددەمەکیدا کۆ یاسا ب هویرترین و باشترین شێوە بابەتی دیار دکەت و بڕیارێ ددەت .


بەندێ پێ داینە دادگەهێ یاسا ژمارە 156 ژ یاسا سزادانێن عێراقێ راشتڤەکری ل هەرێما کورستانێ ب یاسا ژمارە 21 یا سالا 2003 ئەڤ بەندە بەندەکە ب فرەهی بەحس ل بابەتێ ئێمناهیا دەولەتێ دکەت ب کورتی بەحس ل تێکدانا رەوشا وەلاتی و سلامەتیا وێ و ئێکەتیا وی دکەت لێ ب روونی دیار نەبوو ئەڤان کیشک کریە و دادگەهێ چ ل سەر وان ئێکلا کر؟.


ب باوەرا من ئەڤ کەیس زێدە هاتە ئالۆزکرن و خالا خرابا وێ ئەو بوو ژ رێچکێ وێ هاتە دویرکرن زێدەتر تولڤەکرنەکا کەسی وسیاسی ڤەگرت ب ناڤێ یاسایێ و یاسا ژبەرکۆ خودان سەروەری نەبو تێدا نەشیا بڕیارەکا دروست و سەربەخویانە ل سەر بدەت

.

خالا دی حکومرانیکرن ب تولڤەکرنێ چ ئاڤاکرنێ دروست ناکەت و خالا ژ هەمیێ مەترسیتر ئەوە تول ب یاسایێ بهێتە ڤەکرن، سمعەتا دادگەهێ راستەوخۆ کاریگەریا هەی ل سەر دوماهیک هیڤیا وەلاتیان و میلەتەک دەما بێ هیڤی دبیت ل وی دەمی تازە ئەنجام دێ بنە ئەو یا ئەڤ بەندێ یاسایی دروست ل سەر جێبەجێ دبیت.

گەلەری