سەرنووچە:

وەرە دا بسەر بلندی بـمرین

AM:11:34:30/12/2021
2360 جار خوێندراوەتەوە
ئەحمەد عەبدولا
+ -


مانە حەیفە تو ھندە زەلیلبی ھەر قارەمانەکێ ئەم نوکە مێژووا وی دخوینین و بو ھەڤدو ڤەدگێرین ئەوە یێ خو ئاڤێتی دسەنگەرێ ھەژارا دا و بەرڤانیێ ژ مافێ ستەملێکریا کری 
تو جەوا ژ زەلامینیا خو شەرمناکی ئێک لسەر حسابا بێدەنگیا تە ھەر تشتەکێ ناڤێ وی پیسی یە و کرێتە بسەرێ خەلکێ تە بینیت ئو تو بێدەنگی و تە خو د حەفت کونجادا ڤەشارتی دا ئەوی کورسی و موجێ رەزیل ژ دەست نەدی بلڤە وەرە باخڤە وژدانا خو ئارامکە دێ گەلەک ژ وی موجە و کورسی باشتر بدەستە کەڤیت،

لدەڤەرا بەھدینا بەلکو بسەدا روشنبیرو و ماموستاێن زانکوا و ھونەرمەند و ھوزانڤان و روژنامەڤان و مێژوو زان و نڤێسەر و کەسایەتیێن عەشائیری و زاناێن ئاینی و نوژدار و خودان بەرژەوەندیێن تایبەت...ووو  ێن ھەین روژانە ئەف ھەمی زولمە یا بسەرێ خەلکێ تێت بەرجاڤێ مە ھەمیا تو نابینی ئەڤێن ھە لێڤا سەری لیابنی بدەن ھەر وەکی نەل ڤێ دونیایێ ما وژدانا وە نالڤیت ئەرێ تو دزانی دەمێ روژا ڤان زولملێکریا تێت دلوڤانیێ بتە نابەن دیرنینە تو مری ژی بی وێ روژێ زاروکێن تە باجا بێدەنگیا تە یا ئەڤرو بدەن،
وەرە ژیێ خو درێژکە دەمێ تو مریژی خەلک مێژووا تە بخوینن و بکەن پروگرامێ خاندنێ لزانکوا،

ئەرێ تو دزانێ تە ھند یاخو کێمکری ئێدی پەیڤ و نڤێسینێن تە ژی جھێ یاریپێکرنێ نە، وەرە ئازاد بژی دا تو مەزن بمری خو ژ بەندایەتیێ خلاسکە نزانم ئەو جی یە ئەزمان و جاڤێتە کەلەمچە کرین نێ ژ بلی بازرگانیکرنا ب کوردینیێ تشتەکێ دی نەمایە لناف ڤی مللەتی مادێ کیش جوری زولما ڤان مافیا تە ژ خەو ھشیارکەت،

ئەرێ تو دزانێ گوھورین ب گازندا و پتپتێ چێنابیت وەرە دا کەربا خو دگەل ئێک کومکەین دێ دەرمانەکێ ئارام ژێ پەیدابیت بو برینێن بریندارا، 

سوین بخوداێ مەزن مرن ئێک جارە بێجسارەتی ژیێ مە  درێژناکەت زێدەتر رێکێ نەدە دەرونێ خو لسەر مێشکێ تە زالبیت بجەک ملێ خو بدە بەر ڤی باری بریارا تە دێ ژیانەک گەلەک خوشتر ژ ڤێ یا تو تێدا پێشکێشی تە کەت تو ھەژی ژیانەکا گەلەک خوشتری ژ ڤێ وەرە دا بڤێ ژیانا سەر شوری رازینەبین بلا ئەم خو قورتاکەین ژ ڤێ رەوشێ ھەر جونەبیت دا بەر نەفرەتێن نفشێ دا ھاتی نەکەڤین،

ئەرێ تە جارەکێ گوتە خو تو یێ دخزمەتا ھندەکا دا ئەوێ قومارێ بەھەمی پیروزین مللەتێ تە دکەن و پاپورا تە یاگەھاندی نیڤا دەریایەکێ ھندە دێ نوقوبی ئەوژی ھەر شەف دگەل جوانترین سەماکرێن دونیاێ درازن و خودانێن ملیاراتێن دولارایە و ئەو زاروکو کەسوکارێن خو دناف کیراتیا خوشیادا دلەیزن.

ئەحمەد عەبدولا
2021/12/29

گەلەری