زەنگا هشیاربوونا کازمی بۆ سەر کارێ وی دروونە!

44352 جار خوێندراوەتەوە

عێراق ژ مەزنترین شارستانیەت و ئابووری و جوگرافی و زانست بەرەڤ هەرفینا ب ئێک جاری، مێژوو شاهدە لسەر پێشکەفتنا عێراقێ د هەمی باڤێن ژیانێ دا، ژ هەندەسێ و نوداریێ و هەیا دگەهیتە جوتیاریێ، ئەرێ سەدەم چبوون بڤێ رێژێ داکەت؟، هەیا کو د شەڤەکا سارا دەڤەرا کەسکا بەغدایا پایتەختێ عێراقێ دا سەرۆکوەزیر ب هێرشا ردوونی ژ خەو ڕابیت، ئەرێ پێناسە بۆ ڤێ فەوزایێ چییە؟، بزاڤێن تیرۆرکرنا عێراقێ مە دگەهینیتە ڤێ عێراقا نها.

عێراقەک کو لەشکەرێ وێ ژ دوو سێ فەیلەقێن سەر جاددێ بترسیت نە ژ هەژی ژیانکرنێ یە، عێراقەک کو مەزنترین سەروەت و سامانێ ڤی نشتیمانی بۆ چەند کەسێن کو ب تبلا دهێنە هەژمارتن بچیت نە ژ هەژی ژیانکرنێ یە، عێراقەک کو د دەمێ خۆدا پاسپۆراتا وێ پشتی یا ئەمریکا و سێ چار وەلاتیێن دی یێن ئەورۆپا دهاتە هەژمارتن، نها ژی پلا بەری ئەخیری یە، نە ژ هەژی ژیانکرنێ یە، عێراقەک کو دەستێ مەزنێ وەلاتێ ئیرانێ دناڤدابیت بۆ رازیکرنا ئێک ژ مەرجعێن خۆ و دەستهەلاتا مەزنا عێراقێ نەشێت وی دەستی ببڕیت، چ تشتی ژێ چاڤەڕی بکەین؟، نە چ تشتەک لسەر جاددێ ژ هێزێن شەرعی و سەرۆکێ حکومەتێ بهاتربیت جهێ مەندەهوشیێ یە، هەمی ڤەکۆلەر و هەمی زانانیێن جیهانێ چ پێناسە بۆ ڤێ فەوزایا عێراقێ نینن.

چارەسەریا بنەرەتی ئەوە مەرجعێ پێکئنانا حکومەتا عێراقێ ئەو بیت کو، کونسولخانەیا ئیرانێ ب هەمی دیپلوماسی یێن وێ ڤە بهێنە شاندن بۆ تەهرانێ، هەر کەس و ئالیەک پشتەڤانیا ڤێ بڕیارێ نەکەن بهێنە لادان ژ پۆستێن وان، هێزا ئێکگرتییا عێراقێ ئەگەر شیانیێن ئاشتیێ نەبوون دگەل وان میلیشیاتێن ل بەغدا هەین، ب هێزێ ڤێ فەوزایێ لسەر سەرێ وەلاتیێن عێراقێ ڕاکەت، کێشانا بەنکێ زراڤ ل داویێ هەر قەتیانە لەوما هەر چەند زووترە ئەڤە بهێتەکرن، ل وەلاتەکێ سەرۆک وەزیرێن وێ ب زەنگا دروونێ هشیار ببیت ئەرێ دێ رەوشا وەلاتیێن وێ چ بیت؟.