سەرنووچە:

ل ڤی جهی گێڕانا جەژنا قوربانێ هاتە قەدەغەکرن

PM:06:05:16/07/2021

584 جار خوێندراوەتەوە

+ -

د دەما دەربازبوویدا ل باکورێ نێجیریا روویدانا ئاریشەیێن ئەولەکاریێ زێدەبووینە و ب وێ سەدەمێ ژی بڕیار هاتەدان ل هندەک دەڤەرێن وی وەلاتی ئاهەنگێن تایبەت ب جەژنا قوربانی ڤە بهێنە قەدەغەرکرن.


ئیرۆ بێنداوا میرنشینێ کاتسینە، دڕاگەهاندنەکێ دا بەحسا وێیەکێ کر، بسەدەما ئاریشەیێن ئەولەکاریێ ل چەند دەڤەرێن ویلایەتا کاتسینە ئاهەنگێن جەژنا قوربانێ دئەڤ سالەدا بهێنە قەدەغەکرن.

 

بینداوا بەرچاڤ ژی کر، بەریکانا هەسپ سواریێ کو سالانە د جەژنێ دا ل وێ میرنشینێ دهاتنە رێکخستن، د ئەڤ سالەدا دێ هێنە قەدەغەکرن.

 

ناڤبری بەحسا وێیەکێ ژی کر، "حکومەت گرنگیێ ب ئاسایشا خەلکی ددەت هەر ژبەر وێیەکێ داخازێ ل هەمی وەلاتیان دکەت د دەما جەژنێ دا ل مالێن خۆ بمینن".


ئەو ژی د دەمەکی دایە، دەمەکە ڕەوشا ئەولەکاریێ ل وێ دەڤەرێ نەیا جهگیرە و دگەل هەلکشیانا توندوتیژیێن نێجیریا رۆژا ٦ی تەمموزێ ل ویلایەتا کاتسینا بسەدەما پەلاماردانا چەند چەکداران ٢١ کەس هاتنە کوشتن.


جەژنا قوربانێ ژی ئێکە ژ جەژنێن موسلمانان، کو سالانە پشتی دوو مەهـ و ١٠ رۆژان ژ جەژنا رەمەزانێ دهێتە ئەنجامدان و ل وەلاتیێن موسلمان یان نەموسلمان و وەلاتێن جودا ب سەدەما جەژنێ ئاهەنگا دگێرن و پیرۆزباهیێ ل ئیک و دوو دکەن و سەرەدانا ئێک و دوو دکەن.

گەلەری