PM:04:39:16/07/2021
1972 جار خوێندراوەتەوە
+
-
ئەڤرۆ ئەینی، بهایێ لیرەیێ لوبنانی لهەمبەر دۆلارێ ئەمریکی توشی شکەستنەکا مەزن بوو، ئەو ژی پشتی وێیەکێ کو سەعد حەریری لسەر
پێکئینانا حکومەتێ خۆ پاشڤەکێشا.
لگۆرەی میدیایێن عەرەبی، بهایێ ئێک دۆلارا
ئەمریکی لهەمبەر ٢٣ هزار لیرەیێن لوبنانی یە، کو ئەڤ داکەتنە ب شکەستنەکا نوی
دهێتە دانان دئابووریا وی وەلاتی دا بەرۆڤاژی دەمێن دەربازبووی.
حەفتیا دەربازبووی بهایێ ئێک دۆلارا ئەمریکی
لهەمبەر ١٩ هزار لیرەیێن لوبنانی بوو، لێ
پشتی وێیەکێ سەعد حەریری سەرۆکوەزیرێن بەرێ یێ لوبنانێ بۆ پێکئینانا کابینەیا نوی یا
حکومەتا لوبنانێ هاتیە ڕاسپاردن؛ دگەل میشێال عەون سەرۆکێ وی وەلاتی جڤیا، لێ
بسەدەما وێیەکێ هەردوو ئالی هەڤبووچون نەبوون لسەر پێکئینانا کابینەیا نوییا
حکومەتا لوبنانێ، جڤینێ شکەستن ئینا.
پشتی بداوی هاتنا جڤینێ، سەعد حەریری
ڕاگەهاند، "دگەل سەرۆکێ وی وەلاتی نەگەهشتنە لهەڤهاتنێ ژبەر وێیەکێ من
لێبۆرین خاست بۆ پێکئینانا کابینەیا نوییا حکومەتێ".
بۆ دەما نەهـ مەهایە، هەڤرکی دناڤبەرا میشێل عەون و سەعەد حەریری، نەشیانە حکومەتا
نوی ل شوینا حکومەتا کاربڕێکەر یا ب سەرۆکایەتیا حەسان دیاب کو ل ١٠ی ئابا ٢٠٢٠ێ و
ب دیارکری شەش رۆژان پشتی تەقینا بەندەرێ بەیرۆت دەست ژ کارکێشای، پێکبینیت.