PM:04:13:06/07/2022
684 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، ژبەر
هێرشێن تورکیا ل رۆژئاڤایێ کوردستانێ ڕەوشا نەئاسایی ڕاگەهاندیە وەکی ئامادەباشیەک
لسەر ئەگەرێن هێرشێن تورکیا بۆ سەر دەڤەرێ.
ل گۆرەی زانیاریێن نووچەگەهانێ ئێن ئاڕ تی،
رێڤەبەریا خۆەسەرا رۆژئاڤایێ کوردستانێ ب مەرەما رێگریکرن و بەرسڤدانا هێرشێن
تورکیا و پاراستنا دەڤەرێ خۆ چەند بڕیار دەرخستن.
ئێک: دابینکرنا هەمی پێتڤیێت رۆژانە یێن
وەلاتیان و سوتەمەنیا پێتڤی یا تایبەت ب ڤەگۆهاستنێ ڤە.
دوو: دابینکرنا پێتڤیێن جوتیاران ب تەمامی.
سێ: ئامادەباشیا پێتڤی بۆ رووبرووبوونا هەر
هێرشەکا تورکیا.
ئەو ژی د دەمەکێ دایە، ٢٨ی مەها دەربازبووی
رەجەب تەیب ئەردۆغان سەرۆککۆمارێ تورکیا گەفێن هێرشکرناا سەر رێڤەبەریا خۆەسەرا
رۆژائاڤایێ کوردستانێ کر و وێ رێڤەبەریێ ژی بەرسڤدا و ڕاگەهاند، هەر لڤینەکا
سەربازی ل دەڤەرێ هەبیت دێ ب دژۆاری بەرسڤێ دەین.
هەڤدەم، چاڤدێرێن سیاسی دەربارەی وان هێرشێن
تورکیا دبێژن، هێرشێن وان دژی بڕیارێن ئەمریکانە کو ل ١٢ی مەها ئەیارێ دەرخستن و دەڤەرێن
ژێر دەستهەلاتا خۆەسەرا دیموکراتی ژ بڕیارێن سزایێ قەیسەر دەرخست و تورکیا ژی
ئیدانا وێ بڕیارێ کر و ژ ئالیێ خۆڤەژی گوت، "ئەمریکا بڕیارەکا خەلەت
دایە".