PM:03:26:06/07/2022
2892 جار خوێندراوەتەوە
+
-
پشتی بۆمبەبارانکرنا هند گوندێن سنورێ قەزا ئاکرێ؛ بالەفڕێن شەرکەرێن
تورکیا بنارا چیایێ گارەی ژی بۆمبەبارانکرن.
نیهاد ئورەماری نووچەگەهانێ ئێن ئاڕ تی ل ئامێدیێ ڕاگەهاند، نێزیکی
دەمژمێر ٢:٠٠ی پشتی نیڤرۆیا ئەڤرۆ بالەفڕێن شەڕکەرێن تورکیا بنارا چیایێ گارە
دناڤبەرا هەردوو گوندێن ردنیا و شێروانە ل دەڤەرا ئامێدیێ بۆمبەباران کرن.
دەربارەی زیانان ژی ئاماژە ب وێیەکێ کریە، هەیا نها چ ئالیان زیان
ئاشکرا نەکرینە و ژبەرکو هێرش لسەر وێ دەڤەرێ یە ژبەر پارستنا ژیانا خۆ کەس نەشیایە
بچیتە جهێ هاتیە بۆمبەبارانکرن.
ئەڤە د دەمەکێ دایە، نیڤرۆیا ئەڤرۆ ژی بالەفڕێن شەڕکەرێن تورکیا ب
هێجەتا هەبوونا گەریلایێن پەکەکێ چەندین جهێن جودا ل سنورێ قەزا ئاکرێ ژی
بۆمبەباران کرن و هەیا نها زیان نەهاتینە ئاشکرا کرن، لێ وەلاتیەکێ وێ دەڤەرێ
ئاشکرا کر، ئەو جهێ هاتیە بۆمبەبارانکرن نێزیکی جهێ ئاکنجیبوونا وەلاتیانە و ب وێ
سەدەمێ ئاگر بەربوویە پیش و پەلاشێ وێ دەڤەرێ.
نیهاد ئورەماری، ئامێدی