PM:02:24:06/07/2022
768 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، بالەفرێن تورکیا چیایێ هەردوو گوندێن
گورەڤا و بێریژگێ ل سنورێ ئاکرێ بۆمبەباران کرن و ئاگر ب پیش و پاوانێن وان
دەڤەران کەفتیە.
شکیران زێباری نووچەگەهانێ ئێن ئاڕ تی ل ئاکرێ ڕاگەهاند، بۆمبەباران
نیڤرۆیا ئەڤرۆ چارشەمبیێ بوویە و چەند جهێن جودایێن سنورێ وان گوندان کرینە
ئارمانج کو ئاڤەدانن.
گوت ژی، بۆمبەبارانێ ئەو جهە کرینە ئارمانج کو ڤەلڤین پەکەکێ و بارەگەهێن
وێ تێدا هەنە، نێزیکی جهێ ئاکنجیبوونا وەلاتیان بوویە.
هەڤدەم، ژێدەرەكێ ل وێ دەڤەرێ بەحسا وێ یەکێ کر ژبەرکو بۆمبەباران ل سنورێ
گوندان و چیاییی بوویە زەرەرێن گیانی دیار نینە، لێ ئاگر ب پیش و پاوانێن وان
دەڤەران کەفتیە.
هەرکو دچیت، هێرشێن تورکیا بۆ سەر دەڤەرێن هەرێما کوردستانێ ب تایبەت سنورێ
پارێزگەها دهۆکێ ب هێجەتا هەبوونا گەریلایێن پەکەکێ زێدەتر دبن و هەیا نها ژی
بسەدەما وان هێرشان چەندین وەلاتیێن سڤیل شەهیدبووینە و هزاران دۆنمێن ڕەز و باخان
ژی شەوتینە.