PM:09:42:05/07/2022
1596 جار خوێندراوەتەوە
+
-
دگەل ڤەکرنا بازارێن دراڤاندا
ل ئەوروپا یۆرۆی نزمترین ئاستێ خۆ ل دەما ٢٠ سالێن دەربازبویدا تۆمارکر و ١٠٠ یۆرۆ
لهەمبەر ١٠٢ دۆلارێن ئەمریكی مامەلە پێ هاتەکرن و پاوەنێ بەریتانی ژی ١٪ێ بهایێ خۆ
لهەمبەر دۆلاری ژدەستدا و ١٠٠ پاوەن ب ١٩٩ دۆلاران مامەلە پێهاتەکرن.
ئەڤرۆ سێشەمبی بهایێ
دراڤێن یۆرۆی و پاوەنی لهەمبەر دۆلارێ ئەمریكی داکەتن بخۆڤەدیت و بەشەک ژ چاڤدێران
ژی سەدەمێ وێ داکەتنێ بۆ مەترسێن گرانبوونا بهایێ غازا سروشتی ل ولاتێن یەکێتیا ئەوروپا
ڤە دگەڕینن.
بهایێ یۆرۆی لهەمبەر دۆلارێ
ئەمریکی کێمترین ئاستێ خۆ د دەما ٢٠ سالێن دەربازبوویدا تۆمارکر و د بازارێن ئەوروپا
دا ١٠٠ یۆرۆ ب ١٠٢ دۆلاران مامەلە پێ هاتەکرن و بڤێ ژی هەمبەرە ب ١٥٠ هزار دینارێن
عێراقی.
هەڤدەم د بازارێن بەریتانیا
دا پاوەنێ بەریتانی ب رێژەیا ١٪ی بهایێ خۆ ژدەستدایە ل سالا ١٩٨٥ ڤە تا نها ئەڤە
دووەم جارە پاوەن ب وی ئاوایی داکەتنێ تۆماربكەت و بهایێ ١٠٠ پاوەنان هەمبە ب ١١٩
دۆلارێن ئەمریکی نە.
هەرئێک ژ لیرەیێ توركی،
كرۆنێ سویدی، دۆلارێ ئوسترالی، یەنێ یابانی، و رۆبلی روسی ژی داکەتن تۆماركریە و هەرچ
سەبارەت ب بهایێ دۆلاریە بلندبوونەکا بەرچاڤ تۆماركریە و دووبارە وی دراڤی بالادەستیا
خۆ بسەر بازارێ دراڤاندا نیشاندایە.