AM:10:52:05/07/2022
516 جار خوێندراوەتەوە
+
-
کونسولێ ئەمریکا ل هەرێمێ ڕاگەهاند، "ئەرکێ من یێ دیپۆلۆماسیێ ئێک سالی ل هەرێما کوردستانێ بداوی دهێت و کەسەکێ دی ل جهێ من دەست ب کار دبیت، پشتڕاستم خەلکێ هەرێمێ ب سیفەتێ مێهڤاندوستیا خۆ بگەرمی دێ پێشوازیێ لێ کەن"، دبێژیت ژی، "کوردستانێ ئەز گوهۆریم، پرۆسەیا رێکا دیموکراسیێ ل هەرێمێ درێژ و دژوارە".
ئاماژە ب وێیەکێ ژیکر، "ڤەگەریان بۆ
سالا دەربازبووی ئەز گەهشتمە وی دەرئەنجامی کو کوردستانێ ئەز گوهۆریم، ئەڤرۆ من
حەژێکرنەکا مەزن و رێزەکا زۆرا خەلکێ کوردستانێ د دلێ خۆدا جێگرکریە".
د بەشەکێ دی یێ پەیامێ دا هاتیە،
"میھڤاندوستی و بەردەومیا پێشوازیکرنا هەوە ل من و هەڤپیشەیێن من یێن ئەمریکی
ژبیرناکەم، سوپاس بۆ هەڤالتی و بیروەری و کارێن گرنگ کو پێکڤە مە بدەستڤە ئینایە،
هەروەسا سوپاس بۆ هەڤبەشیکرنا کەلتورێ هەوەیێ جوان، ئەز ب تایبەتی دێ بێریا دولمە
و کفتەیان کەم".
دبێژیت ژی، ئەو دێ هەوە دناڤ دەستێ کەسەکێ
باش دا بجی هێلیت، ل دەستپێکا مەها ئابێدا، چاڤێ هەوە لسەر تۆرێن جڤاکی بیت بۆ ناساندنا کونسولێ گشتیێ نووی.
ئاشکرا ژی کریە، د هەیاما ٣٠ سالێن
دەربازبووی دا ل هەرێما کوردستانێ رێکەکا درێژ هاتیە بڕین و گەلەک تشت هەنە
شانازیێ پێ بکەن، پرۆسەیا رێکا دیموکراسیێ درێژ و دژۆارە، لێ ویلایەتا هەڤگرتیا
ئەمریکا لڤێرە دبیت و هەڤبەش دبیت دگەل هەوە دبیت.
دبێژیت ژی، "هیڤیدارم بزانن کو ئەز
بەرەڤانیکەرێ هەوە دبم ل واشنتنا پایتەخت و ئەگەر جارەکا دی داخاز ژ من هاتەکرن،
ئەز بەرهەڤم پەیوەندیێن مە بەرەڤ پێشڤە ببەم".