PM:09:47:20/05/2022
976 جار خوێندراوەتەوە
+
-
دوو رۆژە تۆپخانەیێن سۆپایێ تورکیا ب چڕی هەردوو چیایێن خامتیر و کێرە یێن سەر ب ناحییا دەرکارڤە ب بەردەوامی تۆپباران دکەن.
ژێدەرەکێ ژ ناحییا ناڤبری بۆ ئێن ئارتی ڕاگەهاند، ژ بلی کو دوو رۆژە تۆپبارانا دەڤەرێ یا بەردەوامە، وان ئەڤرۆ بۆ گەشتێ قەستا گوندێن قۆنتارا چیایێ خامتیر کر، لێ بازگەهێن سۆپایێ عیراقی ب چ رەنگا رێک ب وان نەدا دەربازببن و بچن وان گوندان، ژبەرکو تۆپباران یا بەردەوامبوو، هەروەسا هاتنا بالەفڕێن هەلیکۆپتەر ژی ل سەر دەڤەرێ بەردەوام د گەڕیانێدایە.
وی ژێدەری ئاماژە ب وێ یەکێ ژی کر، ئەڤە د دەمەکێدایە وەرزێ چاندنێ و ئاڤدانا زەڤیایە، رێک ب وەلاتیان نەهێتدان دێ چاندنا وان ژ ناڤچت.
د دەمێ ڤان دوو رۆژاندا زێدەتری ٥٠ گۆلەیێن تۆپان ژ ڕەبیێن سۆپایێ تورکیا یێن ل سەر چیایێ خامتیر ب دەڤەرێ کەڤتینە، هەڤدەم، ل سنورێ قەزا ئامێدیێ ل نێزیک گوندێ هرور تۆپباران نێزیکی مالێن وەلاتیان دهێتە کرن و ترس لدەم ئاکنجیێن وان گوندان دروستکریە.
وحید سندی _ زاخۆ