PM:04:35:20/05/2022
1480 جار خوێندراوەتەوە
+
-
پشتی چەند جاران وەلاتی ب ترۆمبێل و ماتۆڕسکلان چووینە دناڤ گورەپانا پرا دەلال دا رێڤەبەریا گەشتۆگۆزارا زاخۆ ڕاگەهاند کو دێ چەند رێنمایان جێبەجێکەن بۆ پاقژ راگرتنا پرا دەلال و دەردوران، هەڤدەم، بۆ وێ یەکێ گەشتیار دلگران نەبن ل دەمێ هاتنا وان بۆ پرێ.
ڕاگەهاندنا رێڤەبەریا گەشتۆگۆزارا زاخۆ ١٢ رێنما بەلاڤکرینە بۆ پاقژ راگرتنا پرا دەلال و نەهێلانا سەرپێچیان ل وی جهێ گۆزاری.
رێنمایێن رێڤه‌به‌ریا گه‌شتۆگۆزار زاخۆ بۆ چاڤدێرێن پراده‌لال:
١- قه‌ده‌غه‌یه ل گۆره‌پانا پرێ هاتن و چوون ب ترومبێلێ و
ماتۆرسکلی و پایسكلێ بهێته‌كرن .
٢- قه‌ده‌غه‌یه چ گیانه‌وه‌ره‌كێ مه‌زن یان به‌ره‌للا بهێن دەردورێن
پرێ .
٣- چه‌رازات ب گشتی قه‌ده‌غەنه تایبه‌ت توڤك.
٤- شه‌روو و ده‌مه‌قالی قه‌ده‌غه‌یه ب گشتی.
٥- نابت چه‌ك ده‌ڤ خه‌لكێ ل پرێ بهێته‌نیشاندان تنێ هێزێن ئه‌وله‌کاری نه‌بن .
٦- ده‌ستێوه‌ردانا گلوپێن روناهیا پرێ قه‌ده‌خه‌یه .
٧- ب چ ره‌نگه‌كه‌كی نابیت سبخ دگه‌ل وەلاتی و گه‌شتیارا بهێتە دیتن و راكرن و كه‌سه‌ك دیوارێن پرێ نەجوان بکەت دێ هێتە ده‌سته‌سه‌ركرن و سزادان .
٨- ئه‌و گه‌شتیار و وەلاتیێن سه‌ره‌دانا پرێ دكه‌ن وه‌ك ئاموژگاریێ بۆ وان نابیت خۆ لدورێن پرا ده‌لال بهاڤێتە ئاڤا خابیری بۆ مه‌لاڤانیا .
٩- ته‌شهیر و سفكاتی ژ لایێ كه‌سه‌كیڤه به‌رامبه‌ر گه‌شتیار و وەلاتیان قه‌ده‌غه‌یه و دێ هێته ده‌سته‌سه‌ركرن .
١٠- پێشوازیێن گروپێن گه‌شتیاری یێن بیانی و ناڤخۆ و دانا زانیاریا بنگه‌هـ و جهێن گه‌شتیاری ل سنورێ ئیدارا سه‌ربه‌خۆیا زاخۆ.
١١- نابیت ئه‌و فروشگه‌هـ و كافی و رێستوره‌نتێن دورێن پرێ،
ده‌نگی بدەنە ئامیرێ موزیكێ و ببیته ئه‌گه‌رێ دلگرانیا گه‌شتیارا .
١٢- ئه‌و كه‌سێن خۆ ژ پرێ دهاڤێن، دێ رێكخستنه‌ك بوان هێته‌كرن، نابیت كه‌س به‌ره‌لای بكه‌یفا خوه ژ پرێ باڤێژت .
ئەڤە ددەمەکیدایە، بەریا نها وەلاتیەکێ زاخۆ ب ترۆمبێلێ چووبوو دناڤ گورەپانا پرا دەلال دا و نمایشێن ترۆمبێلێ ئەنجامدابوون و ئەو دیمەنە ڤیدیۆ کربوون.