PM:02:17:18/05/2022
2140 جار خوێندراوەتەوە
+
-
ئەندامەکێ پەرلەمانێ کوردستانێ لسەر فراکسیۆنا نەوەی نوێ ڕاگەهاند، رۆژا دەستهەلاتێ دێ ئاڤا بیت و هەلبژارتنێن هەرێمێ یێن بهێت دێ گۆهڕینێن مەزن دروستبن.
سیپان ئامێدی پەرلەمانتارێ نەوەی نوێ، ل فەیسبووکێ خۆ بەلاڤکر کو ل هەلبژارتنێن هەرێمێ یێن بهێت دێ گوهڕینێن مەزن دروست بن و رۆژا دەستهەلاتێ دێ ئاڤا بیت، دبێژیت ژی، د نهادا پرسا ئەنجامدانا هەلبژارتنێن پەرلەمانێ کوردستانێ ژ پرسەکا ناڤخۆیی دەربازبوویە و بوویە پرسەکا جیهانی.
ئاماژە ب وێ یەکێ ژی کریە، چاڤێ ھەمی وەلاتێن زلهێز یێن جیھانێ و نەتەوێن هەڤگرتی ل ھەلبژارتنێن بهێت یێن کوردستانێ یە.
دەربارەی بەلەنسا سیاسی ل هەلبژارتێن بهێت دبێژیت، هەمی پێشبینی بو وێ چەندێ د چن ھەلبژارتنێن بهێت دێ گوهورین ب سەر بەلەنسا سیاسیا هەرێما کوردستانێ دا هێن.
ڕاگەهاند ژی، "ئەوێن ٣٠ سالە حوکمی ل کوردستانێ دکەن و سەر ئەرد و بن ئەرد وەلاتی تالان دکەن باش دزانن ئێدی حکومرانیا وان دێ ب داوی هێت".
ل داویێ دبێژیت، هەلبژارتنێن ئەڤجارە بۆ لادانا وان کەسانە یێن کو ئەو پێگەهێ نها تێدا، ھەموو بۆ بەرژەورندیا خۆ و بنەمالەیێن خۆ بکار ئیناین و خەلک ژی ددەمێ حکومرانیا واندا رۆژ لدویڤ رۆژێ ھەژارتر و دەست کورتتر لێ دهێت.
دەربارەی پشکداریا وەلاتیان د هەلبژارتنان ژیدا سیپان ئامێدی دبێژیت، پشکداریا کارا یا ھاولاتیان د دەنگدانێدا دێ رۆژا دەستھەلاتێ ئاڤا کەت و هێزەکا نوی کو ژ کویراتیا دەنگێ نەرازی یێ وەلاتیان دروست بوویە دێ حکومەتێ پێک ئینیت و دەستهەلاتێ گریتە دەست، هەڤدەم، سامانێ ڤی وەلاتی ئێختە د خزمەتا وەلاتیان دا.