AM:11:04:17/05/2022
1168 جار خوێندراوەتەوە
+
-
سەرۆکێ روسیا ڕاگەهاند،
بوون ب ئەندامیا فیلەندا و سوید ل ناتۆ چ گەفان لسەر روسیا دروست ناکەت، لێ نابیت
ناتۆ بوونا سەربازییا خۆ د وان دوو ولاتاندا زێدە بکەت.
ڤلادیمیر پوتین سەرۆکێ
روسیا د داخویانیەکێدا ئاماژە ب وێ دایە، "دەربارێ بەرفرەهبوونا ناتۆ روسیا چ
ئاریشە دگەل فیلەندا و سوید نینە." دبێژیت ژی، "ئەگەر ئەو ولاتە بچنە ئالیێ
ناتۆ و رێکخراوا وان بەرفرەھ ببیت چ گەفێن دەملدەست لسەر روسیا دروست ناکەن."
بەحسا وێ ژی کر، بێگومان
ناتۆ ژ ئەگەرێ بەرفرەهکرنا ژێرخانا سەربازی ل وان دەڤەرێن نێزیک سنورێ روسیا دێ رووبەڕووی
بەرسڤا روسیا بیت.
ژ ئالیێ خۆڤەژی، سێرگێی
ریابکۆڤ جێگرێ وەزیرێ دەرڤەی روسیا ڕاگەهاند، دڤێت رۆژئاڤا هزرا وێ چەندێ نەکەت روسیا
هۆسا ب سادەیی بەرفرەهبوونا ناتۆ ل باکوری پەسەند بکەت.
ئەڤەژی د دەمەکیدایە،
پوتینی چەند جاران ئاماژە ب وێ دایە کو بەرفرەهبوونا هەڤپەیمانیا ناتۆ بۆ وان ولاتان
کو پێشتر سەر ب یەکێتی سۆڤیەت بوون و نێزیکن ژ سنورێن روسیا سەدەمە بۆ هێرشێن وی ولاتی
بۆ سەر ئۆکرانیا.
هەڤدەم، روسیا ڕاگرتنا
وان هێرشان گرێدایە ب پەشێمانبوونا ئۆکرانیا ل بوون ب ئەنداما ناتۆ.