سەرنووچە:

نەمساژی هەلوێستێ خۆ دەربارێ بوون ب ئەندام ل ناتۆ ئاشکەرا کر

AM:09:57:17/05/2022

864 جار خوێندراوەتەوە

+ -

وەزیرێ دەرڤەیێ نەمسا ڕاگەهاند، ولاتێ وی نەڤێت د پەیمانا باکورێ ئەتلەسی "ناتۆ"دا ببیتە ئەندام. دبێژیت ژی، "هەلکەفتا جهێ جوگرافی و دیرۆکیا مە جودایە و ل هەمبەر شەڕی ژی دا بێ ئالی نەبووین".

ئەلێکسەندەر شالنبێرگ وەزیرێ دەرڤەیێ نەمسا د لاپەرا جڤینا وەزیرێن دەرڤەی ولاتێن یەکێتی ئەوروپا ڕاگەهاند، ولاتێ وان نەڤێت ببیتە ئەندام د پەیمانا باکوری ئەتلەس دا.

ئاماژە ب وێ ژی دا، "هەلکەفتا جهێ جوگرافی و ڕەوشا دیرۆکیا مە تەمام جودایە، هەر ژبەر وێ پێتڤیە ئەڤ دوو تایبەتمەندیە ب گرنگ بهێنە وەرگرتن".

ئەلێکسەندەر شالنبێرگ گۆتژی، نەمسا ولاتەکێ بێ ئالی نییە، ل دەمێ شەڕیدا چ ولاتەک بێ ئالی نییە، وان هەلویستێ خۆ ئاشکەرا کریە و د سەپاندنا هەمی سزایاندا بۆ سەر روسیا پشکداری کریە و هەڤکاریا گەل و حکومەتا ئۆکرانیاژی کریە.

ئاشکەرا ژی کر، ئەو ب باشی دزانن پارەی ب ئارمانجا پاراستنا ئەولەهیا نەمسا کۆم بکەن. گۆتژی، "پێتڤیە ژ وێ تێبگەهین کو جیهان دوێ قۆناغا دۆستایەتیدا نەما یاکو مە هیڤی بۆ دخاست".

 

ئەڤە د دەمەکیدایە، هەرئێک ژ سوید و فینلەندا ب فەرمی بڕیاردایە بچنە د ناڤ پەیمانا ناتۆدا و روسیاژی بەردەوامە ل ئۆپراسیۆنێن سەربازیێن خۆ ل ئۆکرانیا و پێشترژی هایداری ب وان دوو ولاتان دابوو ژ ئەگەرێ بوون ب ئەندامیا وان ل پەیمانا باکوری ئەتلەسی و روسیا وەک دوژمنێ خۆ مامەلێ دگەل دکەت.

گەلەری