AM:08:20:14/05/2022
672 جار خوێندراوەتەوە
+
-
لدیڤ داتایێن بازاڕێ جیهانیێ پەتڕۆلێ، بهایێ ئێک
بەرمیلا پەتڕۆلا خاڤا برێنت ب ١١١ دۆلار و ٥٥ سەنتان بازار پێ دهێتەکرن، بڤی ژی هەڤبەر
ب دوهی بهایێ وێ دوو دۆلار و ١١ سەنتان بلندبوویە.
ئەڤرۆ ئەینی، لدیڤ داتایێن بازاڕێ جیهانیێ پەتڕۆلێ،
بهایێ ئێک بەرمیلێ پەتڕۆلا خاڤا برێنت ب ١١١ دۆلار و ٥٥ سەنتایە و بهایێ ئێک بەرمیلا
پەترۆلا خاڤا ئەمریکی ب ١١٠ دۆلار و ٤٩ سەنتان بازار پێ دهێتەکرن.
ئەڤەژی د دەمەکیدایە، ژبەر کارتێکرنا شەڕێ رووسیا
و ئۆکرانیا د دەما دەربازبوویدا بهایێ پەترۆلێ بلندبوونەکا بەرچاڤ بخۆڤە دیت و ل چەند
حەفتیێن دەربازبوویدا ١٣٠ دۆلار دەربازکرن پشترا بهایێ وێ کێمەکی داکەت لێ هەر ب
بلندی مایە و ل سەرڤەی ١٠٠ دۆلاران بازار پێ دهێتە کرن.
لدیڤ پێشبینیان دئەڤ سالەدا هەڤبەر ب سالا دەربازبووی،
خواست لسەر پەترۆلێ دێ زێدەکەت و بۆ ٩٦ دۆلار و ٤٠٠ هزار بەڕمیلان د رۆژەکێ دا دێ
بلندبیت.
ڕۆژا ٢٣ێ مەها دەربازبووی ڤلادیمیر پوتین سەرۆکێ
روسیا فەرماندا ب دەستپێکرنا ئۆپراسیۆنێن سەربازی د ناڤ ئاخا ئۆکرانیادا و ئەڤەژی
بوویە سەدەمێ بلندکرنا بهایێ پەترۆلێ د بازارێن جیهانێدا و دەمێ چەند رۆژانە روویبڕوویبوونا
سەربازی دناڤ ئاخا ئۆکرانیادا بەردەوامە.