سەرنووچە:

کۆچکا سپی: بەرهەڤین هاریکاریا ڤەکۆلینا تایبەت ب کوشتنا نووچەگەهانا ئەلجەزیرە بکەین

PM:05:27:13/05/2022

916 جار خوێندراوەتەوە

+ -

پەیڤدارێ کۆچکا سپی ڕاگەهاند، پێتڤیە ڤەکۆلینێن ئیسرائیل و فەلەستینێ دەربارەی کوشتنا نووچەگەهانا ئەلجەزیرە "شرین ئەبو عەقلە" ب ئاوایەکێ شەفاف و هویر برێڤە بچیت و دبێژیت ژی، "ئەو بەرهەڤن هاریکاریا ڤەکۆلینان بکەن".

جێن ساکی پەیڤدارێ کۆچکا سپی دکۆنفڕانسەکێ رۆژنامەڤانیدا ڕاگەهاند، پێتڤیە ڤەکۆلینێن ئیسرائیل و فەلەستینێ دەربارەی کوشتنا شرین ئەبو عەقلە نووچەگەهانا ئەلجەزیرە، ب ئاوایەکێ "شەفاف و هویر" بریڤە بچیت.

ئاماژە ب وێیەکێ ژیکر، "هەر ئێک ژ ئیسرائیل و فەلەستین، دڤێ دەربارەیێ دا ڤەکۆلینێ ئەنجام ددەن، داخازێ ژ هەردوو ئالیان دکەین ب ئاوایەکێ شەفاف و هویر ڤەکۆلینێ ئەنجام بدەن و بەلگەیێن ژ هەژی بەرچاڤ بکەن".

جێن ساکی ئاشکراژیکریە، ئەگەر پێشنیار بهێتەکرن ئەمریکا بخۆ ژی دێ ڤەکۆلینێ دوێ دەربارەیێ دا کەتن.

ئەڤە ددەمەکێ دایە، شرین ئەبو عەقلە نووچەگەهانا کەنالێ ئەسمانی یێ ئەلجەزیرەیا قەتەر، ل دەمێ روومالکرنا هەلمەتا سوپایێ ئیسرائیلێ بۆ سەر کەمپا پەنابەرێن جەنین ل کەرتێ رۆژئاڤا، ب دەستڕێژیا گولەیان ژیانا خۆ ژ دەستدا.

تۆڕا ئەلجەزیرە و دەستهەلاتدارێن فەلەستینێ بەرپرسیارەتیا کۆشتنا شرینێ دێخنە سەر ملێ ئیسرائیلێ و ل هەمبەر وێیەکێ ژی، سوپایێ ئیسرائیلێ وەسا دیاردکەت شرین ب گولەیا چەکدارێن فەلەستینێ هاتیە کوشتن.

شرین ئەبو عەقلە ل سالا ١٩٧١ێ ل باژێرێ قودسێ ژدایکبوویە و باوەرنامەیا بەکالۆریۆسێ دباڤێ میدیا و رۆژنامەڤانیێ دا ل زانکۆیا یەرموک ل ئۆردن بدەستڤە ئینایە و بۆ دەمێ ٢٥ سالانە وەکی نووچەگەهانا ئەلجەزیرەیا قەتەر ل کەرتێ رۆژئاڤایێ فەلەستینێ کارکریە.

گەلەری