PM:09:50:07/05/2022
752 جار خوێندراوەتەوە
+
-
د مەراسیمەکێدا ل کۆچکا ئیلیزێ ل فەڕەنسا، کو پشتی دووبارەی دەستبکاربوونا سەرۆکێ فەڕەنسا بڕێڤەچوو، ئیمناوێل ماکرۆنی مەدالیا رێزگرتنێ وەرگرت، کو ئاماژەیە بۆ بەردەوامیا دەستهەلاتا وی و ب تەڤایا سەرۆکێ فەڕەنسا دهێتە دان.
ئەڤرۆ شەمبی، ئیمانوێل ماکرۆن سەرۆکێ فەڕەنسا د مەراسیمەکێدا ل کۆچکا ئیلیزێ دووبارەی وەک سەرۆکێ وی وەلاتی دەستبکارێن خۆ کرە ڤە و هەر د وێ مەراسیمێدا مەدالیا رێزگرتنێ پێ هاتە دان.
ئەڤە ددەمەکیدایە، ئیمانوێل ماکرۆن ئێکەم سەرۆکێ فەڕەنسایە د دەمێ ٢٠٠ سالێن دەربازبوویدا بۆ دوو خۆلێن ئێک لدویف ئێک سەرۆکاتیا وی وەلاتی بکەت و هەیا نها چ کەسەکی بۆ وەرگرتنا پۆستێ سەرۆک وەزیران نەهاتیە پێشنیارکرن.
ئەوا دەربارەی مەدالیایا بەحس لێ هاتیە کرن ئەوە کو مەدالیا رێزگرتنا نشتیمان یە هێمایەکێ ب بها و پێناسەیا رێزگرتنا دەستهەلاتا سەرۆکی دکەت و هێمایێ هێزێ و بەردەوامیا وەلاتیە یە.
مەدالیا ژ زێڕی دهێتە دروستکرن و گرانیا وێ ٩٥٢ گرامە و ب قوماشەکێ سوور ڤە گرێدایە و دوو پیت ژ دەستپێکا پەیڤێن رێزگرتن و نشتیمانی لسەر هاتینە نەخشاندن HP کو کورتکریا Honneur et patrie.
دەربارەی رستکێ ژی بەحسا وێ یەکێ هاتیە کرن، کو مەدالیەکا سادە نینە بەلکو نیشانا بەرپرسیارەتیا مەزنا سەرۆکی یە ژ جێبەجێکرنا ئەرکێن وی ل دەمێ مانێ ل وی پۆستی.