PM:09:44:06/05/2022
960 جار خوێندراوەتەوە
+
-
کچەکا کورد ل ستکۆتلەندا
وەکی بەربژێرا پارتی نەتەوەییا سکۆتلەندا ل باژێرێ گلاسگۆ دهەلبژارتناندا شیا سەرکەفتنێ
بدەستڤە بینیت، بڤێ ژی ئێکەم پەنابەرە بشێت وێ سەرکەفتنێ تۆماربکەت.
ئەڤرۆ ئەینی، پشتی بڕێڤەچوونا
هەلبژارتنێن سکۆتلەندا، رۆزا سالح، کو کچەکا کوردا باشورێ کوردستانێ یە و بەربژێرا
پارتیا نەتەوەی بوو ل سکۆتلەندا و شیا وەکی ئێکەم پەنابەر سەرکەفتنێ دهەلبژارتنان
دا بۆ خۆ مسۆگەر بکەتن و دەنگێ ئێکێ بدەستڤە بینیت.
رۆزا سالح بۆ رۆپەلا زە
ناشنالیا بەریتانی ڕاگەهاند، گەلەک دلخۆشە و ئەڤرۆ ژی ب رۆژەکا مێژووی دزانیت بۆ
خۆ و بۆ گەلەک ژ خەلکێ باوەری دایێ.
رۆزا سالح کچەکا کوردا باشورێ کوردستانێ یە و ل سالا ٢٠٠١ێ هەیا نها ل وی
وەلاتی دژیت.
هەڤدەم، بەربژێرا ژمارە ئێک
یا پارتیا نەتەوەیا سکۆتلەندی بوو ل باژێرێ گلاسگۆ بۆ هەلبژارتنێن پەرلەمانێ
سکۆتلەندا ل سالا ٢٠٢١ێ.
زێدەتری ١٥ سالانە چالاکیان
دگەل هەڤالێن خۆ ل گلاسگۆ ئەنجامددەت، ژ ئالیێ پەرمانێ وی وەلاتی ڤە خەلاتێ سالانە
پێ هاتیە بەخشین و کارێن وێ جهێ گرنگی و پشتەڤانیا خەلکی بوویە.
هەروەسا ناڤهاتی دەرچوویا
زانکۆیا سترایدکلایدە، بەشێ یاسا و سیاسەت خواندیە و باوەرنامەیا بەکالۆریۆسا بلند
بدەستڤە ئینایە.