PM:03:06:25/04/2022
1300 جار خوێندراوەتەوە
+
-
ڕێکخراوا مافێ مرۆڤی یا هەنگاو ڕاگەهاند، د دەما
کێمتر ژ دوو حەفتیاندا ٤٣ کۆلبەر ل رۆژهەلاتا کوردستانێ ب دەستڕێژیا گولـلەیێن هێزێن
زێرەڤانیا سنوری و بوویەرێن سروشتی بریندار بوونە. دبێژیت ژی، "کۆلبەرەکی ژی ژیاناخۆ
ژدەستدایە".
رێکخراوا مافێ مرۆڤی هەنگاو د نووترین راپۆرتا خۆدا
ئاشکەراکر، شەمبیا بۆری د ئەنجامێ دەستڕێژییا گولـلەیێن ڕاستەوخۆیێن هێزێن چەکدار
ل سنورێ نەوسودیێ سەر ب پارێزگەها کرماشان دو کۆلبەر ب ناڤێن "ئیسماعیل سەبوک
روو" خەلکێ روانسەر و "ئیحسان کەرەمی" خەلکێ سەلاسی باوەجانی بریندار
بوون.
ئەویەک ژی دادیارکرن، هەر د وێ رۆژێدا، کۆلبەرەکێ
دیێ خەلکێ جوانڕۆ بناڤێ "محەمەد مورادی" ل دەمەکی کو هێزێن ئەولەکاریێ بدیڤ
کەتبوون، وی ڤیایە خۆ دەرباز بکەت لێ کەفتیە و ب گرانی بریندار بوویە.
هەر لدیڤ راپۆرتا رێکخراوا مافێ مرۆڤی یا هەنگاو
، ل ١٢ رۆژێن بۆریدا ب کێمی ٣٣ کۆلبەر ل سنورێ نەوسود برینداربوونە و ئێکی ژی ژیاناخۆ
ژدەستدایە.
دبێژیت ژی، شەش کۆلبەر ب سەدەمێ بوویەرێن سروشتی
و ٢٨ کۆلبەر ژی ب دەستڕێژیا راستەوخۆی یا هێزێن چەکدار برینداربوون.