سەرنووچە:

تالیبان رۆژێن کت و جوت بۆ خوێندکارێن زانکۆیێ دەستنیشانکرن

PM:05:14:24/04/2022

904 جار خوێندراوەتەوە

+ -

وەزارەتا خاندنا بلند یا بزاڤا تالیبان د نویترین بڕیاردا رۆژێن کت بۆ خوێندکارێن کوڕ و رۆژێن جوت بۆ خوێندکارێن کچ ل زانکۆیێن وی وەلاتی دیارکرن.

کەنالێ "ئارینا نیوس" یێ ئەفغانی ڕاگەهاند، وەزارەتا خاندنا بلند یا تالیبان بڕیاردا رۆژێن شەمبی و دووشەمبی و چارشەمبی خوێندکارێن کچ ل وی وەلاتی بخوینن.

ئاماژە ب وێ یەکێ ژی کر، رۆژێن ئێکشەمبی و سێشەمبی و پێنجشەمبی، خوێندکارێن کوڕ ل زانکۆیێن وی وەلاتی دێ خوینن.

ب وێ پێنگاڤێ ژی بزاڤا تالیبان جارەکادی کوڕ و کچ ل زانکۆیێ ژێکڤەکرن و رۆژێن حەفتیێ بۆ خاندنێ بسەردا هاتنە پارڤەکرن.

کەنالی ئەشکەرا ژی کر، وەزارەتا خاندنا بلند یا بزاڤا تالیبانێ بڕیار گشتاندیە و بۆ هەمی زانکۆیێن وەلاتی هنارتیە ل پێشیا هەمیان بۆ زانکۆیا کابول یا پایتەختێ وی وەلاتی هنارتیە.

ئەڤە ددەمەکیدایە، پشتی ل ناڤەڕاستا مەها ئابا ٢٠٢١ێ بزاڤا تالیبان کۆنترۆلکر و سوزدا مافی بدەتە ژن و کچێن وەلاتێ خۆ کو دێ بەردەوامبن ژ خاندنێ و ل کەرتێ گشتی و حکومیدا وەک فەرمانبەر درێژیێ ب ئەرک و خزمەتا خۆ دێ دەن، لێ هێشتا سالەک بسەر حکومڕانیا نویدا دەربازنەبووی رێگرێ ل کچێن قوناغا ناڤەندیێ و ئامادەیێ کر و دەستپێکێ ژی ب دانانا پەردەیێ دناڤبەرا خوێندکارێن کوڕ و کچ ل زانکۆیان هاتنە ژێک جوداکرن.

گەلەری