سەرنووچە:

تورکیا هێرشێن ئەسمانی و هشکاتی ل هەرێمێ دەستپێکرن

AM:09:20:18/04/2022

900 جار خوێندراوەتەوە

+ -

وەزیرێ بەرەڤانیا تورکیا ڕاگەهاند، ئارتێشا وەلاتێ وان ب رێیا هشکاتی و ئەسمانی ئۆپەراسیۆنا "کلیل چنگ" بۆ سەر ئارمانجێن خۆ ل دەڤەرێن مەتینا، زاپ و ئاڤا شین- باسیان ل هەرێمێ دەستپێکرن.

ئەڤرۆ دووشەمبی، خولوسی ئاکار وەزیرێ بەرەڤانیا تورکیا ڕاگەهاند، ئارتێشا وەلاتێ وی ب رێیا هشکاتی و ئەسمانی ئۆپەراسیۆنا "کلیل چنگ" بۆ سەر ئارمانجێن خۆ ل دەڤەرێن مەتینا، زاپ و ئاڤا شین- باسیان ل هەرێمێ دەستپێکرن.

هەروەسا، خولوسی ئاکار وەزیرێ بەرەڤانیا تورکیا دگەل یەشار گۆلەر سەرۆک ئەرکانێ ئارتێشا تورکیا موسا ئاڤسەڤار فەرماندەیێن هێزێن هشکاتی و عەدنان ئۆزبال فەرماندەیێ هێزێن دەریایی سەرەدانا بارگەهێ فەرماندەیێن هێزێن ئەسمانی کر.

خولوسی ئاکار دەربارەی داوی پێشهاتێن ئۆپەراسیۆنێ ب رێیا ڤیدیۆ کۆنفڕانس گوت: "ب مەرەما ژناڤبرنا هێرشان بۆ سەر گەل و هێزێن ئەولەکاریێن مە، هەروەسا پاراستنا ئاسایشا سنورێن خۆ، ئارتێشا تورکیا ژ ئەڤ شەڤە و پاشدا ئۆپەرلسیۆنا کلیل چنگ بۆ سەر ئارمانجێن خۆ ل باکورێ عێراقێ دەستپێکر".

ئەشکەرا ژی کر، د کڤانێ ئۆپەراسیۆنێدا ئارمانجێن خۆ ب چڕی بۆمبەبارانکرینە د وێ ئۆپەراسیۆنێدا و د کڤانێ وێ پلانا ئامادەکریدا، هاتیە ئەنجامدان، هێزێن ئەسمانی ل دەڤەرێن مەتینا، زاپ و ئاڤا شین- باسیان کرینە ئارمانج. بالەفڕان، ب سەرکەفتی حەشارگەهـ، شکەفت، تونێل، کۆگەهـ، جەبخانە و ب ناڤ بارگەهێن چەکداران کرینە ئارمانج.

خولوسی ئاکار بەحسا وێ یەکێ ژی کر، ئارمانجێن تۆپهاڤێژێن وان ب تەمامی هاتینە ژناڤبرن، هێزێن کۆماندو ب پشتەڤانیا کۆپتەرێن جۆرێ "ئاتاک"، بالەفڕێن بێ بالەفڕڤانێن چەکهەلگر کارینە ب رێیا هشکاتیێ بگەهنە دەڤەرێ.

دبێژیت ژی، هەیا نها وەک پلان بۆ هاتیە دانان ئۆپەراسیۆن بەردەوامە. ئەو ئارمانجا ل قوناغا ئێکێ هاتیە دیارکرن، هاتە جێبەجێکرن.

خولوسی ئاکار وەزیرێ بەرەڤانیا تورکیا، دەربارەی ئەو ئۆپەراسیۆنا دەستپێکری ئەشکەراکر، "دەربارەر دانانا پلانێن پەیوەندیدار ب ئۆپەراسیۆنان هەر ژ دەستپێکێ ب هویری مە کارکریە. ئەڤ ئۆپەراسیۆنە وەک پلان بۆ هاتی دانا دێ ب سەرکەفتی ب داوی هێت. داوی جار رژدین لسەر وێ یەکێ گەلێ خۆ رزگاربکەین ژ وێ هێزا کو بۆ دەمێ ٤٠ سالانە ناکۆکین دگەلدا و دێ خەباتا مە بەردەوامبیت هەیا ژناڤبرنا داوی چەکدار".

ئەڤە پشتی وێ یەکێ دهێت، د ڤان سێ شەڤێن داویدا نێزیکی ٥٠ جاران ژ ئالیێ ئارتێشا تورکیا ڤە ئەو دەڤەرە هاتنە بۆمبەبارانکرن، ئەڤەژی بوویە جهێ ترس و نەرەحەتیا وەلاتیێن وان دەڤەران ب تایبەت ل ڤی دەمی کو دەمێ سەخبێریکرنا ڕەز و باغێن وانایە.

ل شەڤا دەربازبووی ژی نووچەگەهانی ئێن ئاڕ تی ڕاگەهاند، جارەکادی بالەفڕێن تورکیا ب دژواری چیایێ کورەژار ل سنورێ ناحیا شێلادزێ بومبەبارانکر لێ هەیا نها زەرەر و زیان دیارنینن. گۆت ژی، جودا ژ شەڤێن دەربازبووی سوپایێ تورکیا ئەڤ شەڤە ب هەشت کۆپتەران بۆمبەباران دکر.

گەلەری