سەرنووچە:

چیرۆکا وی برایێ دبیتە سێبەر بۆ خوشکا خۆ

PM:05:10:15/04/2022

940 جار خوێندراوەتەوە

+ -

ژبەر بەلاڤبوونا وێنەیەکی کو وێنەگرەکێ سعودی گرتیە، دناڤدا دەردکەڤیت زەلامەک د حەوشا مزگەفتا حەرەمێدا لبەر ڕۆژێ ڕینشتیە و سێبەر بۆ ژنەکێ دروستکریە، ئەڤێ ژی دەنگ ڤەدان و کارڤەدانەکا زۆر لدیڤخۆ ئینا.

لدەمێ بەلاڤبوونا وی وێنەی د تۆڕێن جڤاکیدا، چالاکڤانان د تۆڕێن جڤاکیدا دەستخۆشی ل وی زەلامی کر، ئەو ژن و زەلام وەکی هەڤژینێن هەڤدوو دیارکربوون کو زەلامێ وێ سێبەر بۆ خێزاناخۆ دروستکریە.

پشتی دەنگڤەدانا وی وێنەی و کارڤەدانان، داوی جار خودانێ وێنەی کو ناڤێ وی عەبیر نەجارە دگەل وێ ژنێ کو فەلەستینینە و ئەو ژن پسپۆرا بیاڤێ خارنێ یە و ل ئەمریکا دژیت، ل ئینستاگرامێ خۆ ڕاگەهاند، سوپاسیا وان هەمی کەسان دکەت یێن کو ب دیتنەکا ئەرێنی سەحکریە وی وێنەی و دەستخۆشی کرین.

ئاماژە ب وێیەکێ ژی دایە، ئەو زەلامێ دگەلدا برایێ وێیە و پێکڤە د گەشتەکا کورتدا ب مەرەما ئەنجامدانا عەمرێ سەردانا سعودیا کربوو.

دبێژیت، د داوی ڕۆژا گەشتا خۆدا ل باژێڕێ مەکەهێ چۆینە د ناڤ مزگەفتا حەرەمێ دا و پشتی نیڤرۆیەکا گەرمبوو برایێ وێ ژی سێبەر بۆ دروست کربوو و ل وی دەمی وێنەگرەکێ سعودی وێنێ وی دیمەنی گرتییە.

گەلەری