سەرنووچە:

بۆ ئێکەم جار بەرپرسەکێ پلە بلندێ ئێرانێ سەدەمێ هێرشا سەر هەولێرێ ئەشکەراکر

PM:05:56:14/04/2022

1776 جار خوێندراوەتەوە

+ -

فەرماندەیێ فەیلەقا قودسا سەرب سوپایێ پاسدارێن ئێرانێ ڕاگەهاند، گەلەک ژ جیرانێن ئیسرائیل نە دزانی کو بنگەهـ د هەولێرێدا هەیە، لێ مە هێرش کرە سەر. دبێژیت ژی، "ئیسرائیل دبن چاڤدێریا مەدا بوو".

ئەڤرۆ پێنجشەمبی، ئیسماعیل قائانی فەرماندەیێ فەیلەقا قودسا سەر ب سوپایێ پاسدارێن ئێرانێ ڤە د رێورەسمەکێدا سالڤەگەرا کوشتنا ئێک ژ فەرماندەیێن فەیلەقا قودس گۆتارەک پێشکێشکر و جارەکا دی گەف ل هەرێما کوردستانێ کرن.

د گۆتاراخۆدا کو ل تەهرانا پایتەختا ئێرانێ پێشکێشکر، بەحسا وێ هێرشا مووشەکییا سەر هەولێرا پایتەختا هەرێما کوردستانێ کر و جارەکا دی گەف ل ئیسرائیلێ کرن و ڕاگەهاند کو ل هەر جهەکی ب پێتڤی بزانین دێ کەینە ئارمانج.

گۆتژی، "دەستێن مە گرێدای نینن و دەستدرێژی بۆ سەر بەرژەوەندیێن مە بهێتەکرن، ل هەر جهەکی دێ مە بەرسڤەکا جددی هەبیت. ئەم باش دزانین هون ل کیڤەنە. ل هەولێرێ گەلەک ل جیرانێن وە نەدزانی کو هون ل وێ دەرێ دژین و بنگەهێن وە ل وێ دەرێنە، لێ دبن چاڤدێریا مەدا بوون".

ئەڤە د دەمەکیدایە، بەرێ سپێدەهیا ١٣ی ئادارا بۆری سوپایێ پاسدارێن ئێرانێ ب ١٢ مووشەکێن بالیستی، مالا بازرگانەکێ هەولێرێ ب هێجەتا هەبوونا بنگەهێ ئیسرائیلێ کرە ئارمانج. هێرش ژی لسەر ئاستێ عێراق و دەڤەرێ و جیهانێ کارڤەدان لپەی بوون و ب توندی هاتە شەرمزارکرن.

گەلەری