سەرنووچە:

سعودیێ دەربارەی حەجا ئەڤسالە بڕیارەکا نوی دەرکر

AM:10:17:09/04/2022

828 جار خوێندراوەتەوە

+ -

وەزارەتا حەج و عومرێ یا سعودیێ ڕاگەهاند، حکومەتا وی وەلاتی بڕیاردایە ب زێدەکرنا هژمارەیا حەجیێن ئەڤسالە بۆ ئێک ملیۆن ژ ناڤخۆ و دەرڤەی وی وەلاتی.

ئەڤرۆ شەمبی، ئاژانسا فەرمیا نووچەیێن سعودیێ "واس" ژ وەزارەتا حەج و عومرێ یا وی وەلاتی بەلاڤکر، ئەڤسالە رێکێ ددەن بۆ وان کەسێن کو ژیێ وان کێمترە ژ ٦٥ سالان فەریزەیا حەج و عومرێ بجهبینن.

ئاماژە ب وێ یەکێ ژی کریە، ب وی مەرجی کو ڤاکسینێ دژی کۆرۆنایێ وەرگرتبیت و ئێک ژ وان ڤاکسینان بیت یێن کو وەزارەتا ساخلەمیا سعودیێ پەسەندکربن.

دیارکر ژی، ئەو کەسێن ژدەرڤەی سعودی ب ژڤانن حەج و عومرێ ئەنجامبدەن، پێدڤیە پشکنینا کۆرۆنایێ یا بەری ٧٢ دەمژمێران ئەنجامدابیت بەری گەشتکرنێ بەرەف سعودیێ.

وەزارەتا حەج و عومرێ یا سعودیێ تەکەزی ل وێ یەکێ کریە، پێدڤیە حەجی پێگیری رێکارێن خۆ پارێزیێ بن و پارێزگاریێ ژ سەلامەتیا خۆ بکەن.

ئەڤە ددەمەکیدایە، سالا دەربازبووی، ٢٠٢١، بتنێ ٦٠ هزار حەجیان ژ ناڤخۆ و ئاکنجیێن سعودیێ کو ژیێ وانا دناڤبەرا ١٨ بۆ ٦٥ سالاندابوون رێک پێ هاتبوو دان فەریزەیا حەج و عومرێ ئەنجامبدەن ب مەرجێ وەرگرتنا دوو قورچێن ڤاکسینێ دژی کۆرۆنایێ. هەروەسا، سالا ٢٠٢٠ێ بسەدەمێ سەرهلدانا ڤایرۆسێ کۆرۆنایێ بتنێ ١٠ هزار حەجیێن ناڤخۆیێن سعودیێ ئامادەی ب ئارمانج گەهاندنا فەریزەیا حەجێ ببوون، ئەڤە ژی کێمترین هژمارەیا پیڤایی بوو د دیرۆکا حەجکرنێدا.

گەلەری