AM:09:45:27/01/2022
2200 جار خوێندراوەتەوە
+
-
زێدەباری کو ل سنورێ سلێمانیێ و هەلەبجە مووچەیێ مەها ١٢ یێ خانەنشینان پارڤەنەکریە، ئەڤرۆ مووچەیێ مەها ١ یێ چەند جهان دێ هێتە پارڤەکرن.
ژێدەرەکی ژ وەزارەتا دارایا حکومەتا هەرێمێ بۆ ئێن ئاڕ تی ڕاگەهاند، ئەڤرۆ پێنجشەمبێ مووچەیێ وەزارەتا پێشمەرگە و یەکەیێن ٧٠ و ٨٠ دهێنە پارڤەکرن.
ئەڤە ددەمەکیدایە، هەیا نها مووچەیێ پشکەک ژ خانەنشینان ل سنورێ سلێمانیێ و هەلەبجە نە هاتیە پارڤەکرن.
ژێدەری ئاماژە ب وێیەکێ ژی کر، ل ٢٨ی ڤێ مەهێ هەیا چاری مەها بهێت پارەیێ فرۆتنا پەترۆلا هەرێمێ ژی دێ گەهیتە وەزارەتا دارایی.
ئەڤە ژی ددەمەکێ دایە، داهاتێ حکومەتا هەرێمێ مەهانە زێدەترە ژ دوو ترلیۆن دیناران، د دەمەکیدا هەمی مووچەیێ فەرمانبەران پێتڤی ب ٩٠٠ ملیار دینارانە، لێ چاڤێ حکومەتێ مەهانە ل ٢٠٠ ملیار دینارێن بەغدا یە و ب وێ هێجەتێ ژی پارڤەکرنا مووچەی پاشدکەڤیت و د دەمێ خۆدا ناهێتە پارڤەکرن.
هێرش قادر، هەولێر