سەرنووچە:

داخۆیانیێن کڤانێ هەڤکاریێ دەربارەی دیارکرنا سەرۆک وەزیرێن عێراقێ

AM:09:13:27/01/2022

712 جار خوێندراوەتەوە

+ -

 

سەرکردەیێن کڤانێ هەڤکاریا شیعەیان لسەر پرسا پێک ئینانا کابینەیا نوی یا حکومەتا عێراقێ جڤیان و ڕاگەهاند، نابیت پێکئینانا حکومەتێ بتنێ لسەر بڕیارا ئێکلایەن بیت و ئالیێن دی بهێنە پشتگوهـ هاڤێتن، دبێژن ژی، دیارکرنا سەرۆک وەزیران پێتڤیە ب رێیا لهەڤهاتنێ بیت.

 

کڤانێ هەڤکاریا شیعەیان پشتی جڤینا خۆ راگەهاندنەک بەلاڤکر و ئاماژە ب وێیەکێ کر، تەکەزیێ لسەر پرۆژەیێ خۆ بۆ پشکداریێ د رێڤەبرنا وەلات و دژایەتیا پشتگۆهـ هاڤێتنا ئالیان دکەن، ژبەرکو وی کاری دێ باندوری لسەر عێراقێ هەبیت.

 

دیارکر ژی، نابیت وەلات ژ ڤێ زێدەتر راستی قەیران و ئاریشەیان ببیت و پێتڤیە کار بۆ خزمەتکرنا وەلاتیان بهێتە کرن، ئەو کارە ژی ب دیارکرنا سەرۆک وەزیران ب رێیا لهەڤهاتنێ دهێتە ئەنجامدان.

 

د ڕاگەهاندنێدا بەحسا وێیەکێ هاتیە کرن، ئەو دگەل لێکگوهارتنا ئاشتیانەیا حکومەتا زۆرینەنە، لێ نابیت پێکئینانا حکومەت بتنێ لسەر بڕیارا ئێک ئالی بیت و ئالیێن دی بهێنە پشتگۆهـ ئێخستن.

 

ئەڤە ددەمەکیدایە دوهی، موقتەدا سەدر سەرۆکێ ڕەوتا سەدر ب مەرەما ئەنجامدانا جڤینەکێ دگەل کڤانێ هەڤکاریێ گەهشتە بەغدایا پایەتختا عێراقێ.

 

سەرۆکێ رەوتا سەدر نهاژی داخاز دکەت حکومەتەکا زۆرینەیا نیشتیمانی ژئالیێ مەزنترین فراکسیۆنا پەرلەمانی ڤە بهێتە پێکئینان و دناڤدا چەند هێزێن سیاسی پشکداریێ دناڤداناکەن، لسەر هەمیان ژی نوری مالیکی سەرۆکێ هەڤپانیا دەوڵەتا یاسا.

 

ئەڤ هەلویستێ سەدری بوویە سەدەمێ پارڤەبوونا هێزێن سیاسیێن پشکداربویێن دناڤ کڤانا هەڤکاریێدا و هێشتا بڕیارا داویێ نەدایە.

گەلەری