سەرنووچە:

یهایێ پەترۆلێ زێدەتر بلندبوو

PM:11:41:26/01/2022

372 جار خوێندراوەتەوە

+ -

بهایی پەترۆلێ د بازارێن جیهانێ دا بەردەوامە دبلندبوونێ دا و دنهادا بهایێ ئێک بەرمیلا پەتڕۆلا خاڤا برێنت دبازارێن پەترۆلا جیهانێ دا بۆ زێدەتر ژ ٩٠ دۆلاران بلندبوویە.

بەری سپێدەهیا ئەڤرۆ، بهایێ ئێک بەرمیلا پەتڕۆلا خاڤا برێنت د بازارێن پەترۆلا جیهانێ دا ب ٨٨ دۆلاران بازار پێ هاتەکرن، بڤی ژی بهایێ پەترۆلێ د بلندیێ دایە.

د نهادا، بهایێ ئێک بەرمیلا پەتڕۆلا خاڤا برێنت بۆ ٩٠ دۆلار و پێنج سەنتان بلندبوویە و پێشبینی ژی دهێتەکرن بهایێ ئێک بەرمیلا پەترۆلێ زێدەتر بلندبیت.

ژبەر زێدەبوونا گرژیان ل ڕۆژهەڵاتا ئەوروپا و ترسا ژ کێمیا شیانێن دابینکرنا پەترۆلێ، وبەرهێنەران بەری بڕیارا جڤاتا یەدەگێ فیدڕاڵیا ئەمریکا و زانیارییان دەربارێ پەترۆلا هەلگرتیا وی وڵاتی، مفایەکێ بەرچاڤ بدەستڤەئینایە.

دگەل زێدەبوونا گرژیان دناڤبەرا روسیا و ئۆکرانیا دا بهایێ پەترۆلێ دڤێ حەفتیێ دا، هەڤبەر ب حەفت سالێن دەربازبووی، بلندترین ئاستێ خۆ تۆمارکر.

دوهی سێشەمبێ، جۆ بایدن سەرۆکێ ئەمریکا ڕاگەهاند، د پلاناوان دایە سزای بسەر روسیادا بسەپینن ژ ئەگەرێ نەڕاوستاندنا لڤینێن خۆ بۆ سەر ئۆکرانیا.

هەڤدەم، سەرکردەیێن رۆژئاڤا ئامادەکاریێن سەربازی چرکرینە و پلان بۆ پاراستنا ئەوروپا د قەیرانا ئەنرژیی دا هەیە.

هيرويوكی كيكوكاوا ڕێڤەبەرێ گشتیێ ڤەکۆلەران ل کۆمپانیا ناسا بۆ دراڤێن کاغەزی ئاماژە ب وێدا، بهایێ پەترۆلێ دێ بەرەڤ داکەتنەکا دیارکری دکەڤیت ژبەر ناکۆکیێن ئۆکرانیا و روسیاوە.

ئەڤە ددەمەکیدایە، پشتی جڤینێن جڤاتا یەدەگیا فیدراڵی بهایێ پەترۆلێ بەردەوامە ژ بلندبوونێ.



گەلەری