سەرنووچە:

لژنا موالیدەیێن دهۆکێ: بهایێ ئەمپێرێ کارەبا موالیدەیان دێ هەیا ٢٣ هزار دیناران بیت

PM:01:38:26/01/2022

848 جار خوێندراوەتەوە

+ -

بهایێ ئەمپێرێ کارەبا موالیدەیان ل پارێزگەها دهۆکێ بۆ ڤێ مەهێ بلندبوویە، پەیڤدارێ لژنا موالیدەیان ژی دبێژیت، ڕەنگە بهایێ هەر ئەمپێرەکێ بگەهیتە ٢٣ هزار دیناران.

هەکار هروری پەیڤدارێ لژنا موالیدەیان ل پارێزگەها دهۆکێ ڕاگەهاند، د هەیاما ٢٠ رۆژێن دەستپێکا ڤێ مەهێ دا رۆژانە ١٤ دەمژمێران کارەبا موالیدەیان ب وەلاتیان هاتیە دان.

دیارژیکریە، بهایێ هەر لیترەکا گازوایلێ ب ٧١٠ دیناران هاتیە کرین و کارەبا نشتیمانی ژی کێمبوویە ژبەر وێیەکێ بۆ ڤێ مەهێ دبیت بهایێ ئێک ئەمپێرێ کارەبا موالیدەیان ب ٢٠ تا ٢٣ هزار دیناران بیت.

ئاماژە ب وێیەکێ ژی کر، ئەرزانبوونا بهایێ گازوایلێ یان ژی زێدەبوونا دەمژمێرێن کارەبا نشتیمانی دێ بیتە سەدەمێ وێیەکێ بهایێ ئەمپێری بهێتە گوهۆرین و بەرڤاژی دێ گرانتر ژی بیت.

ئارام حسێن، دهۆک

گەلەری