سەرنووچە:

ڤان دەڤەرێن جیهانێ پلەیێن گەرمێ ٥٤ پلە دەربازکرن

PM:02:32:12/07/2021

512 جار خوێندراوەتەوە

+ -

د ئەنجامێ بلندبوونا پلەیێن گەرمێ ل دەڤەرا دیس فالى ل ویلایەتا کالیفۆرنیا ل ئەمریکا ٥٤ پلەیێن سیلیزى دەربازکرن و ب ڤێ ژى بوویە گەرمترین دەڤەر ل جیهانێ.

بلندبوونا پلەیێن گەرمێ ل چەند دەڤەرێن باکور و رۆژئاڤایێ ئەمریکا ل نێزیک دەریا هێمن بوویە سەدەما دروستبوونا پەستان لسەر تۆرێن کارەبێ ئەڤە ژى بوویە سەدەما کەفتنا ئاگرى دناڤ دارستانێن وى وەلاتى.

ل وان دەڤەرێن باشورێ ویلایەتا ئەریگۆن د ئەنجامێ ئاگرکەفتنێ دا، تۆڕا کارەبێ قوتبوو و ب ڤێ ژى گەف لسەر مال و ژیانا وەلاتیێن وێ دەڤەرێ دروستبوو.

ژ ئالیەکێ دى ڤە، دەستەیا سەقایێ نیشتیمانی یا ئەمریکا هۆشداری دایە ل بلندبوونا پلەیێن گەرمێ ل پرانیا دەڤەران. هەڤدەم، ئاگەهداریا ئاکنجیێن چەند دەڤەران ژى کرایە کو بلندبوونا پلەیێن گەرمێ دێ کاریگەریا نەرێنی هەبیت لسەر ساخلەمیێ ب تایبەتى ل سەر زارۆک و دانعەمران.

ڕۆپەلا ئەکسیۆس یا ئەمریکی بەڵاڤکریە، د ئەنجامێ کەفتنا ئاگرى زێدەتر ژ ٧٦٨ هزار دۆنەم ئەرد ل ١٢ ویلایەتان ل رۆژئاڤایا ئەمریکا شەوتین. هەڤدەم، زێدەتر ژ ٥٠٠ هزار دۆنەمێن پیش و پەلاش و دارستان ل کەنەدا شەوتین و تیمێن ئاگرڤەمراندنێ د بزاڤا کۆنتڕۆلکرنا زێدەتر ژ ٣٠٠ ئاگرێن دى دانن.

بەرپرسێن خۆجهى ێن ویلایەتێن کالیفۆرنیا و ئەریگۆنۆ و ئەداهۆ ومۆنتانا بڕیاردا وەلاتى مالێن خۆ چول بکەن.

د.ش

گەلەری