PM:03:31:09/01/2022
1960 جار خوێندراوەتەوە
+
-
سەرۆکێ تورکمانستان بڕیاردا ڕێکەکێ بۆ داخستنا وێ چالێ ببینیت یاکو ب دەرگەهێ
دۆزەخێ دهێتە نیاسین، ئەڤە بۆ دەمی ٥٠ سالن دسۆژیت، ژ بۆکو زەرەرێ ب خەڵکی و ژینگەهێ
نە گەهینیت.
قوربان باقلی قوربی محەمەدوف سەرۆکێ تورکمانستانێ دجڤینەکێدا دگەل حکومەتا
وڵاتێ وی بڕیاردا ب داخستنا وێ چالێ کو تێدا غازا سروشتی ب ھەدەر دچیت و زەرەرێ ب
خەڵکی و ژینگەهێ دگەهینیت.
د جڤینێ دا، داخاز ژ بەرپرسێن کەرتێ پەترۆل و غاز و ئەنرژیا ولاتێ خۆ ژی
کریە ژبۆکو دگەل زانا و پسپۆرێن بیانیدا چارەیەکێ ببینن بۆ چارەسەرکرنا وی ژێدەرێ ئەنرژیی
یێ کو دوێ چالێ دا دهێتە سۆتن.
دەرگەهێ دۆزەخێ ئەو چاڵەیە یاکۆ دکەڤیتە بیابانێن کاراکوم و ئەو دەستەواژەیە
یاکو بۆ پێناسەکرنا وێ چاڵێ دهێتە بکارئینان کو بۆ دەمی ٥٠ ساڵن ب بەردەوامی دهێتە
سۆتن و ٢٧٠ کیلۆمەتران ژ پایتەختێ دوویرە و ب هوویربوونا کاراکوم دهێتە بناڤکرن، لێ
د ناڤ خەلکیدا ب دەرگەهێ دۆزەخێ دهێتە
بناڤکرن.
پانیا وێ چاڵێ ٦٠ مەترن و ل ئەنجامێ ڕۆچۆنا وێ زەڤیێ ل ساڵا ١٩٧١ ێ دا دروستبوویە،
دەسپێکێ زانایان پێشبینی دکر کو زووی دێ
تەمریت لێ دەمێ ٥٠ ساڵن ب بەردەوامی دسۆژیت و بوویە ئێک ژ جهێن سەیر د جیھانێدا.
پێشتر ل ساڵا ٢٠١٠ ێ محەمەدۆفی فرمانا داخستنا دەرگەهێ دۆزەخێ دەرکربوو، لێ
ئەو فەرمان نەهاتە جێبە کرن.