PM:02:31:07/01/2022
1588 جار خوێندراوەتەوە
+
-
کۆمپانیا "بی ئێم
دەبلیۆ" ڕاگەهاند، جۆرەکێ نوو یێ تڕۆمبێلا کارەبایی بناڤێ "ئەی
ئێکس" دادیارکرن کو شیانێن گۆهڕینا ڕەنگێ خۆ هەنە.
ئەو تڕۆمبێلا نووی د
کڤانا پێشانگەهەکا تەکنەلۆجیا ئەلیکترۆنی دا ئێخستیە ڕوو، کو دکاریت ڕەنگێ خۆ ل
سپی بکەتە ڕەش ە بەروڤاژی ڕەش بۆ سپی بگۆڕیت، گۆهڕینا ڕەنگێ وێ ژی بتنێ ل ڕێیا
دوگمەیەکێ دهێتە کرن، ب بکارئینانا تەکنیکەکا نوویا ئەلیکترۆنی ل داپۆشا دەرڤەدا.
وێ کۆمپانیێ ئەویەکژی
دایەدیارکرن، ئەو تڕۆمبێلە ڕێکێ ب شۆفێری ددەت کو ڕەوشا دەرونی و ژیانا ڕۆژانە
یاخۆ دەرببڕیت.
ئاشکەراژی کریە، دبیت
ل ڕێیا گۆهڕینا رەنگێ خۆ، بکارئینانا ووزەیا کارەبێ کێمبکەت، ب وێ چەندێ دکاریت
ڕەنگێ خۆ د ڕۆژێن گەرمدا بۆ سپی و د ڕۆژێن سار ژیدا بۆ ڕەشی بگۆهڕیت.
داپۆشێ ئەلیکترۆنیێ وێ
تڕۆمبێلێ، ل پەیمانگەها "ماساچوستەتس" یا تەکنەلۆژیا وێ ب ئاوایەکی
گرنگی پێدایە کو ب ملیۆنان "کەبسۆلێن هویر" ب قەبارەیا ئێک میا پرچا
سەرێ مرۆڤان لخۆ دگریت.