PM:12:11:08/12/2021
676 جار خوێندراوەتەوە
+
-
سپێدەهیا ئەڤرۆ هەژمارەکا مامۆستایێن
وانەبێژێن کەمپێن پارێزگەها دهۆکێ قەستا باژێرێ هەولێرێ کرن ژبوی بەشداریکرن د
خڕڤەبوونەکا نەرازیبوونێ دا، نووچەگەهانێ ئێن ئاڕ تی ژی دبێژیت، رێگری ل وان هاتە
کرن بچنە وی باژێری.
سەباح سۆفی نووچەگەهانێ ئێن ئاڕ تی ل شێخان
دیارکر، سپێدەهیا ئەڤرۆ هەژمارەکا مامۆستایێن وانەبێژێن کەمپێن پارێزگەها دهۆکێ کو
ژمارا وان نێزیکی ٧٥ کەسان بوو قەستا باژێرێ هەولێرێ کرن ژبوی بەشداریکرنێ د
خڕڤەبوونا نەرازیبوونێ دا، لێ رێک ل وان هاتە گرتن.
ئاماژە ب وێیەکێ ژی کر، ئەو مامۆستایە ب سێ
پاسان هاتبوون و ل زالگەها چەمەی کو سنورێ پارێزگەها دهۆکێ یە رێگری ل وان هاتەکرن
و نەهێلان دەربازی ناڤ باژێرێ هەولێرێ ببن.
هەڤدەم، ژ زاری ئێک ژ مامۆستایان ژی
نووچەگەهانێ ئێن ئاڕ تی گوت، فەرمان بۆ زالگەهێ هاتیە رێک ب چ پاسان نەهێتەدان دەربازی
هەولێرێ ببن.
ئەڤە د دەمەکێ دایە، سپێدەهیا ئەڤرۆ بەشەک ژ
مامۆستایێن وانەبێژ ل بەردەریێ ئاڤاهیێ جڤتا وەزیرێن هەرێمێ خڕڤەبوونەکا
نەرازیبوونێ ژبوی مافێن خۆ ئەنجامدان و مامۆستایێن وانەبێژێن کەمپێن دهۆکێ ژی
دخواستن دگەل وان خڕڤەبوونا نەرازیبوونێ ئەنجام بدەن.