AM:11:55:08/12/2021
408 جار خوێندراوەتەوە
+
-
جڤاتا وەزیرێن هەرێمێ جڤینا خۆیا حەفتیانە ب
سەرۆکایەتیا سەرۆکێ حکومەتێ و ب ئامادەبوونا جێگرێ سەرۆکێ حکومەتێ دەستپێکریە و دێ
چەند دۆسێیان گۆتۆبێژکەتن.
ئەڤرۆ چارشەمبێ، فەرمانگەها میدیا و زانیاریا
حکومەتا هەرێما کوردستانێ ڕاگەهاندنەک بەلاڤکر و تێدا هاتیە، جڤاتا وەزیرێن هەرێما
کوردستانێ جڤینا خۆیا حەفتیانە بسەرۆکایەتیا مەسرور بارزانی سەرۆکێ حکومەتێ و ب
ئامادەبوونا قوباد تالەبانی جێگرێ سەرۆکێ حکومەتێ ئەنجامددەت.
دیار ژی کریە، د جڤینێ دا دێ گۆتۆبێژان
دەربارەی دیارکرنا ڕاپۆرتا حەفتیانەیا وەزارەتا کاروبارێن پێشمەرگەی دەربارەی
هێرشێن رێکخراوا داعش بۆ سەر هێزێن پێشمەرگەی ل دەڤەرێن کوردستانێ یێن دەرڤەی
ئیدارا هەرێمێ کەتن.
ل گۆرەی ڕاگەهاندنێ، گۆتۆبێژ دەربارەی
رێکخستنا مامەلەیێن میدیا و سوشیال میدیایێ دگەل ڕەوشا نهایا چەپەرێن شەری دژی
داعش و رووبرووبونا وی گرۆپێ چەکداری کەتن.
د بەشەکێ دی یێ ڕاگەهاندنێ دا هاتیە، د جڤینا
وەزیران ڕەشنڤێسا پرۆژەیاسایا (پەروەردە و فێرکاریێ ل هەرێما کوردستان-عێراق)
دیارکەت بۆ دەنگدانێ لسەر.
هەورەسا پرۆژەیاسایا (هەموارا یاسایا
وەزارەتا کارەبێ ژمارە ٦یا سالا ٢٠٢١ێ) بەرچاڤ کەتن.
هەڤدەم، ڕاپۆرتا وەزارەتا چاندن و ژێدەرێن
ئاڤی دەربارەی بابەتێ هشکەسالیێ ل هەرێما کوردستانێ دیارکەت.