PM:08:01:06/12/2021
1136 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، مێھڤان ئاڤدەل ئەو قوتابیێ کۆلیژا
پۆلیسان کو بەریا دوو سالان کەفتیە د روویبارێ خابیردا و بێسەروشین بووی ل رۆژا ٨ی
ڤێ مەهێ لاشەیێ وی دێ ل گورستانا ناحیا دەرکارێ هێتە ڤەشارتن.
ل گۆرەی زانیاریێن وەحید سندی نووچەگەهانێ ئێن ئاڕ تی ل زاخۆ کو ژ
زارێ کەسەکی نێزیکی وی دبێژیت، پشتی وێیەکێ ل بەرواری ٢١ی ٦ی ٢٠١٩ێ مێهڤان ئاڤدەل
سالح قوتابیێ کۆلیژا پۆلیسێن هەرێمێ ب مەرەما مەلەڤانیکرنێ خۆ هاڤیتیە د ئاڤا
خابیرێ زاخۆدا بێسەروشین ببوو.
دبێژیت ژی، لێگەریان ژ ئالیێن تیمێن نقومڤانیا زاخۆ و سێمێل و بێگوڤا
و شێلادزێ ڤە بەردەوامبوون لێ بێ مفابوون و لاشەیێ وی نەهاتە دیتن، پشتی ٤٠ رۆژان ژ بێسەروشین بوونا وی مالباتا وی تازی
دانان.
ئاماژە ب وێیەکێ ژی کر، پشتی نێزیکی ١٠ مەهان ژ بێسەروشین بوونا وی لاشەیەک
ل سەر ریبارێ دیجلە ل نێزیک بەنداڤا موسل هاتە دیتن و بۆ نوژداریا داد هاتە
ڤەگۆهاستن.
هەر وی ژێدەری بۆ ئێن ئاڕ تی گوت ژی، ل ٥ی ١٢ی ٢٠٢١ێ ل باژێرێ
سلێمانیێ پشکنینێن دی ئێن ئەی بۆ لاشەیێوی هاتنەکرن و دیاربوو کو ئەو لاشەیێ مێهڤان ئاڤدەلی یە و بڕیارە ل ٨ی ١٢ی
٢٠٢١ێ ل گۆرستانا ناحیا دەرکارێ ب ئاخێ بهێتە سپاردن.
ئەڤە د دەمەکێ دایە، بەریا دوو سالان مێهڤان ئاڤدەل کو قوتابیێ کۆلیژا
پۆلیسێن هەرێمێ بوو، هێشتا هەڤژینی پێکنەئینابوو، ب مەرەما مەلەڤانیکرنێ چوبوو سەر
ریبارێ خابیری دناڤ باژێرێ زاخۆ دا لێ دئاڤێ دا بەرزەببوو.
