PM:07:09:06/12/2021
836 جار خوێندراوەتەوە
+
-
پشتی جڤینێ دگەل
وەزیرێ پێشمەرگەی و ناڤخۆ و فەرماندەیێ میحوەرێن پێشمەرگەی، سەرۆکێ هەرێما کوردستانێ
بڕیاردا، "بلەز پێتڤیێن پێشمەرگەی ل هەمی میحوەران دابین بکەن"، گۆت ژی،
"ب بەرهنگاربوونا پێشمەرگەی، دوژمن دێ شکێت و دێ ژناڤ چیت".
نێچیرڤان بارزانی
سەرۆکێ هەرێما کوردستانێ و فەرماندێ گشتیێ هێزێن چەکدارێن هەرێمێ، جێگرێن سەرۆکێ
هەرێمێ، وەزیرێ پێشمەرگەی و ناڤخۆ، فەرماندەیێن یەکەیێن حەفتا و هەشتا و فەرماندێن
بلندێن پێشمەرگەی و بەرپرسێن میحوەران بدرێژیا بەرەیێن ڕووبەڕوو بوونێ دگەل
تیرۆرستێن داعشێ دا جڤیان و دجڤینێ دانە، داوی پێشهاتێن ڕووبەڕووبوونا گرۆپێ
چەکداریێ داعش ل میحوەرێن جودایێن پێشمەرگەی گوتو بێژکر.
سەرۆکێ هەرێمێ دجڤینێ
دا ئاماژە ب وێ ژی کر، دڤێت هاریکاری و هەماهنگیەکا بهێزا سەربازی دناڤبەرا
پێشمەرگەی و سوپایێ عێراقێ دا هەبیت و ڤالاهی و دەرزا ئەولەهیێ یا کو دناڤبەرا وان
دا هەی پڕبکەن هەیاکو پێکڤە ڕووبەڕوویا
داعشا دوژمنا هەڤبەش ببین.
دەربارێ پێنگاڤێن ڕووبەڕووبوونا هێرشێن داعشێ، نێچیرڤان
بارزانی بڕیاردا، "بهەماهنگی دگەل حکومەتا هەرێمێ و ئالیێن پەیوەندیدار بلەز
پێتڤیێن دیێن پێشمەرگەی بهێنە دابینکرن".
ئەڤەژی د دەمەکی دایە،
چەکدارێن داعشێ هێرشین خۆ بۆ سەر سەنگەرێن هێزێن پێشمەرگەی زێدەتر کرینە و شەڤا
دەربازبووی ژی جارەکادی ل سنورێ کەرکوکێ هێرش کریە و ب وێ سەدەمێ چار پێشمەرگە
شەهید بوون و بۆ دەمێ زێدەتر ژ حەفتیەکێ یە ٢٢ پێشمەرگە و سێ وەلاتی شەهید بوون.
دوهی ژی، جەمال مورتکە
فەرماندێ سەربازی د پشکداری کرنێ دا د پڕۆگرامێ پەرلەمانێ خەلکی ئێن ئاڕ تی گۆت،
"ڤالاهیا ئەولەهیێ و نەبوونا سوپایێ عێراقێ ل دەڤەرێ و چەک و تەقەمەنی ل
سەنگەران هێجەتن".