PM:03:53:06/12/2021
1512 جار خوێندراوەتەوە
+
-
وەزارەتا کۆچ و کۆچبەرێن
عێراقێ راگەهاند، ل پارێزگەها دهۆکێ ١٦ کەمپێن کۆچبەران هەنە کو زێدەتر ژ ٢٦ هزار
کەسان دناڤدا دژین، دبێژیت ژی، "چاڤەڕێنە ب ئاوایەکێ ئارەزومەندانە ڤەگەڕن بۆ
جهێن خۆ یێن ڕەسەن".
ئەڤڕۆ دووشەمبی، عەلی
عەباس پەیڤدارێ وەزارەتا کۆچ و کۆچبەرێن عێراقێ بۆ ڕۆژنامەیا سەباح راگەهاند، دێ ب
هەمی ئاوایەکی بزاڤان کەین کۆچبەران بۆ جهێن وان بزڤڕینین.
گۆت ژی، ب مەرما پشتەڤانی
کرنا بزاڤێن وەزارەتا وان، بەردەوام دگەل ڕێڤەبەرێ بەرنامێ خارنا جیهانی ل عێراقێ (WFP) د پەیوەندیێ دانە.
عەلی عەباسی گۆت ژی، بەرنامێ
خارنا جیهانی چادر بۆ کۆچبەران دابینکرینە و کار لسەر دابینکرنا خارنێ کریە بۆ خێزانێن
کۆچبەران.
ژئالیێ خۆڤە ژی، ئەسکەندەر
ئەمین ڕێڤەبەرێ لقا پارێزگەها دهۆکێ یا وەزارەتا کۆچ و کۆچبەران گۆتیە، ١٦ کەمپێن کۆچبەران
ل وێ پارێزگەهێ هەنە کو ٢٦ هزار کۆچبەر و ٨٠٠ خێزانێن وان دناڤدا ئاکنجینە کو زۆربەیا
وان خەڵکێن شنگالێ و پارێزگەها موسلن.
ئەڤەژی د دەمەکی دایە،
ل ٢٠١٤ پشتی سەرهەڵدانا گروپێ چەکداریێ داعشێ و کۆنترۆڵکردنا پارێزگەها موسل و
شنگال و چەند دەڤەرێن دی هەژمارەکا زۆر یا خێزان و ئاکنجیێن وان دەڤەران ئاوارە بوون
و پشکەک ژوان ژی بەرێ خۆدانە هەرێما کوردستانێ و ل پارێزگەهێن دهۆک و هەولێر و سلێمانی
د کەمپاندا ئاکنجی بوون.