PM:03:41:06/12/2021
816 جار خوێندراوەتەوە
+
-
بەرپرسەکێ بلندێ سەربازیێ نەیجیریا ڕاگەهاند، ژ ئەنجامێ هێرشا گروپەکێ چەکداریێ نەناسیار بۆ سەر بنگەهێ "جی ٥"ێ سەربازی ل وی وەلاتی، ٧٩ کەس ژ چەکداران و ٢٩ سەربازێن نەیجیری هاتینە کوشتن.
ئەڤرۆ دووشەمبی، بەرپرسەکێ بلندێ سەربازیێ نەیجیریا ب ئاژانسا نووچەیا فەرمیا ئەلمانیا ڕاگەهاند، ل نێزیک سنورێن بورکینا فاسۆ و مالی سەدان چەکدارێن نە ناسیار هێرش کریە سەر بنگەهێ سەربازیێ "جی ٥" کو هێزێن هەڤپشکێن کەنارێن ئەفریقیا تێدا هاتینە جێگیرکرن.
ژ ئالیێ خۆ، وەزارەا بەرەڤانیا نەیجیریا ڕاگەهاندنەک بەلاڤکر و تێدا هاتیە، ژ دویراتیا پێنج کیلۆمەتران ل باژێرکێ فانتیۆ ل دەڤەرا تێلابیری، ژ ئەنجامێ هێرشا گروپەکێ چەکداری ١٢ سەرباز هاتنە کوشتن و هەشتێن دی برینداربوون.
ئاماژە ب وێیەکێ کریە، دەهان چەکدار ژ گروپێن هێرشبەر ژ ئالیێ ئارتێشا نەیجیریا هاتینە کوشتن و دەست بسەر چەندین کەلوپەل و ماتۆرسکل و ئامێرێن پەیوەندیکرنێ هاتینە گرتن.
بنگەهێ سەربازیێ جی ٥یێ هەڤپشک ل سالا ٢٠١٧ێ ب هەفپشکیا هەر ئێک ژ مۆریتانیا و نەیجیریا و چاد و مالی و بۆرکینا و فاسۆ، کو ب وەلاتێن کەنارێ ئەفریقیا ناڤدارن ب ئارمانجا سەقامگێریا ئەمنی ل سنورێن دناڤبەرا وان وەلاتان هاتە دامەزراندن.