سەرنووچە:

ڤیدیۆ.. پێکدادان دناڤبەرا ئیران و تالیبانێ دا روویدا

PM:09:41:01/12/2021

1064 جار خوێندراوەتەوە

+ -

ئاژانسا نووچەیا تەنسم یا ئیرانێ ئەشکەراکر، پێکدادان دناڤبەرا پۆلیسێن زێرەڤانێن ئیرانێ و تالیبانێ دا لسەر سنورێ ئەفغانستان- ئیران روویدا.

لدویف ئاژانسا نووچەیا تەنسیم یا ئیرانێ، پێکدادانا ل دەڤەرا شغالکی یا سەر ب ویلایەتا نیرموز روویدای و "بسەدەمێ لێکتێنەگەهشتنێ" بوو.

بەحسا وێیەکێ ژی کر، ئاریشە بسەدەمێ هەبوونا دیوارەکێ سەر سنوری بوو کو سالا دەربازبووی ب مەرەما بەرهنگاریبوونا قاچاخچیێ و چەتەیێن سەر سنورێ ئیرانێ دروستکربوو.

ئاژانسێ ئاماژە ب وێیەکێ ژی کربوو، ئەڤرۆ چەند جوتیارێن ئیرانی ژ دیواری دەربازبووینە و چووینە لایێ دیێ دیواری کو هەر ناڤ ئاخا ئیرانێیە و پەیوەندی ب ئاخا ئەفغانستانێ نینە، لێ سەربازێن تالیبانێ خەلەت تێگەهشتینە و وەک هێرش دیتینە و ب وی سەدەمی پێکدادان دروستبوویە.

هەیا نها چ زانیاری دەربارەی هەبوونا کوشتی و برینداران بەلاڤنەبووینە.

دەربارەی شەڕی، بەرپرسەکێ سەربازیێ بلندێ ئیرانێ بۆ ئاژانسێ گوتیە، شەڕ و پێکدادان راوەستیایە و د نهادا دگەل حکومەتا تالیبانێ د گۆتۆبێژاندانە.

ڕاگەهاند ژی، دەستبسەرداگرتنا چەند خالێن پشکنینێ یێن سنورێ ئیرانێ ژ ئالیێ تالیبانێ رەتدکەین، دبێژیت ژی، "تەڤایا سنورێن ئیرانێ ب دەستێ پۆلیسێن سنورینە".

گەلەری