AM:10:48:29/11/2021
2012 جار خوێندراوەتەوە
+
-
سەرۆکوەزیرێن پۆلەندا
ڕاگەهاند، هەمی ولاتێن ئەندام ل یەکێتیا ئەوروپا ژبلی دوو ژوان هەمیێن دی دژی
ڤەکرنا سنورێن یەکێتیێ نە بۆ کۆچبەران.
ماتیۆش مۆراویسیکی سەر
ۆکوەزیرێن پۆلەندا ڕااگەهاند ژی، دیاربوو ئەو سیاسەتا یەکێتی ئەورپا بۆ ڤەکرنا
سنوران بسەر کۆچبەراندا ل سالا ٢٠١٥ ێ گراتیە بەر یاخەلەت بوو، "ژبەر وێ سەدەمێ
هەمان خەلەتی دوبارە ناکەین".
دەربارێ هاریکایکرنا
کۆچیبەران بۆ زڤڕاندن بۆ ولاتێن وان، سەرۆکوەزیرێن پۆلەندا ئاماژە ب وێ کر، لسەر
ڕاسپاردنا کۆمسیونا یەکێتی ئەوروپا پڕۆژەیەک ئامادەکریە بۆ هاریکاری کرنا دارایی
یا وان کۆچبەرێن ل بیلاروسیانە و دڤێت بزڤرن بۆ ولاتێن خۆ.
دوهی ژی، زێرەڤانێن
سنورێ ئیتالیا ڕاگەهاند، شیاینە ٢٥٠ کۆچبەران ل دووریا چەند میلەکان ل کەنارێن
دەیا یا کالابریا ڕزگاربکەن، کو زارۆکێن نها ژ دایک بووی ژی دناڤدابوون.
هەردوهی ژی، تەرمێ
کۆچبەرەکی د کیسە خەوەکی دا دناڤبەرا بیلاروسیا و لیتوانیا دا هاتیە دیتن، لێ ژبەرکو
چ ڕەگەزنامە و پاسپۆرت دگەل نەبووینە نەهاتیە زانین خەلکێ کیش ولاتیە.
ئەڤە د دەمەکی دایە،
قەیرانا کۆچبەران دەمێ زێدەتر ژ مەهەکێ یە دروستبوویە لسەر سنورێن دناڤبەرا
بیلاروسیا و پۆلەندا دا، دەستهەلاتدارێن یەکێتیا ئەوروکپا ژی ڕاگەهاندیە، ب هەمی
ئاوایەکی دژی وەرگرتنا کۆچبەرانن بۆ ناڤ ئاخا ولاتێن وان.
هەڤدەم، ل ناڤ کۆچبەراندا
خەلکێ هەرێما کوردستانێ وعیراقێ هەیە پشکەک ژ کۆچبەران هەیا نها لسەر سنورانن و
ڤەنەگەریانە و هەیا نهاژی هندەک ژ وان کو ب چارکاروانان زڤڕین هزار و ٤٥٨ کۆچبەرن
ل ڕێیا بالەفڕخانا هەولێر و بەغدا زڤڕینە.