PM:08:38:09/11/2025
720 جار خوێندراوەتەوە
+
-
سەرۆکا لیستا نەوەی نوێ ل سلێمانیێ دبێژیت، هەلبژارتنا پەرلەمانێ عێراقێ
گەلەک یا گرنگە بۆ وەلاتیێن هەرێمێ چوونکی ئاریشەیێن مووچەی و پەتڕۆلێ و پلە
بلندکرنێ ئاریشەیێن دی هەمی ل بەغدا دێ هێنە چارەسەرکرن.
ئەڤرۆ ئێکشەمبی، سروە عەبدولواحید، سەرۆکا لیستا نەوەی نوێ ل سلێمانیێ
د بەرنامەیێ تاوتویێ ئێن ئاڕ تی دا ڕاگەهاند، " هەلبژارتنا پەرلەمانێ عێراقێ گەلەک
یا گرنگە بۆ وەلاتیێن هەرێمێ چوونکی ئاریشەیێن مووچەی و پەتڕۆلێ و پلە بلندکرنێ
ئاریشەیێن دی هەمی ل بەغدا دێ هێنە چارەسەرکرن و هیڤی دارین وەلاتی ب رێژەیەکا زۆر
پشکداریێ د دەنگدانێ دا بکەن".
ئاماژە ب وێ یەکێ ژیکر، پارتی و یەکێتی هەرێم بێ هێز کریە و چ خزمەت
بۆ خەلکی نەبوویە و داخازێ دکەن نەوەی نوێ بهێز بکەن چونکی دێ شێت ل بەغدا گەلەک
کارێن گرنگ بۆ هەرێمێ بکەت، پێدڤیە وەلاتی هێزەکێ فڕێکەنە بەغدا کاری بۆ خەلکی
بکەت نەک بۆ حزب و کۆمپانیان".
پارتی و یەکێتی د بانگەشەیان دا ئاخفتنان د بێژنە ئێکدوو بۆ وێ یەکێ
دا لایەنگرێن خۆ چەواشە بکەن، داخازێ ژ وەلاتیان دکەین سێشەمبیێ پارتی و یەکێتی سزا
بدەن، پارتی و یەکێتی ژ دەنگێ نەڕازی دترسن.
بەحسێ وێ یەکێ ژیکر، دەستهەلات ژ نیڤ دەمژمێرا ئاخفتنێن شاسوار عەبدولواحید
دترسن و دەستەسەرکرنا وی ژی سیاسیە و بۆ وێ یەکێ بوو ل هەلبژارتنێ دوویرپێخن، لێ
وەلاتی بۆ دەنگدانێ ب نەوەی نوێ گەلەک ژ بەری نها گەرموگوڕترن.