AM:09:25:08/11/2025
360 جار خوێندراوەتەوە
+
-
قۆناغا بانگەشا
هەلبژارتنێ ب داوی هات و کۆمسیۆنا بلندا سەربەخۆیا هەلبژارتنا هەیاما بێدەنگیا
هەلبژارتنێ راگەهاند.
ئەڤرۆ شەمبی،
جومانە غەلای، پەیڤدارێ کۆمسیۆنا بلندا سەربەخۆیا هەلبژارتنێن عێراقێ گوت، ئەڤرۆ
دەمژمێر حەفتی سپێدێ، هەمی بانگەشەیەک هاتیە راوەستاندن و ب گشتی بانگەشا
هەلبژارتنێ ب داوی هاتیە، هەر ئەڤرۆ ژی قۆناغا بێدەنگیا هەلبژارتنێ دەستپێکر و
پشتی ڤێ قۆناغێ پرۆسەیا هەلبژارتنێ ب دەنگدانێ دێ ب داوی هێت.
هەروەسا، د ڤێ
قۆناغێ دا هەمی لایەنێن سیاسی دهێنە پێگیر کرن ب داوی ئینان ب بانگەشەیێ بۆ حزب و
بەربژێرێن خۆ، د هەڤبەر دا راگەهاندن تیشکێ بئێخنە سەر هایدارکرنا وەلاتیان
دەربارەی چەوانیا پشکداریکرنێ د وێ پرۆسەیێ دا.
بەری نها ژی
حەسەن هادی زایر، ئەندامێ تیما راگەهاندنا کۆمسیۆنا هەلبژارتنان گوتی، هەر
لایەنەکێ پێگیر نەبیت ب قۆناغا بێدەنگیا هەلبژارتنێ، دێ هێتە سزادان و چێدبیت
سزایێ وی تا ئاستێ دویرخستنێ بچیت.
ئەڤە ژی د
دەمەکێدایە، بڕیارە رۆژا ئێکشەمبی دەنگدانا تایبەت ل هەلبژارتنا پەرلەمانێ عێراقێ
برێڤە بچیت، دیڤدا ل رۆژا سێشەمبی ١١ی ١١ پرۆسەیا دەنگدانا گشتی برێڤەبچیت.