PM:10:01:28/06/2025
188 جار خوێندراوەتەوە
+
-
لدویف ئامارەکا نوی یا
رێکخراوا هەڤکاریا یاسایا ژنان، زێدەتری ١٣ هزار سکالایێن توندوتیژیێن خێزانی ل
هەرێما کوردستانێ هاتینە تۆمارکرن.
ئەڤرۆ شەمبی، رێکخراوا هەڤکاریا یاسایا ژنان، ب هەڤکاریا رێکخراوا نێد
یا ئەمریکی، ئامارێن توندوتیژی و سکالایێن ئاریشەیێن خێزانی بەلاڤکرن و دبێژیت، ل
سالا ٢٠٢٤ـێ دا ١٣ هزار و ١٧ سکالا هاتینە تۆمارکرن.
هەروەسا، نوینەرێ وێ
رێکخراوێ د گۆنگرەیەکا رۆژنامەڤانی دا گوتی، ٩٩ حالەتێن توندوتیژیێ ب رێکا ئامیرێن
ئەلیکترۆنی هاتینە تۆمارکرن، ٧٠ حالەتێن بەلاڤکرنا وێنە و ڤیدیۆیان ل تۆرێن جڤاکی هاتینە
تۆمارکرن، ٥٧ کەسان ژی گەفا بەلاڤکرنا وێنە و ڤیدیۆیان لێ هاتیە کرن.
هەڤدەم، هەر لدویف راپۆرتەکا مەیدانی یا رێکخراوا هەڤکاریا
یاسایا ژنان، د سالا ٢٠٢٣ـێدا ١٣ هەزار و ٤٨٩ سکالا هاتینە تۆمارکرن و سێ هزار و
٧٨٦ سکالا ل پارێزگەها هەولێرێ و سێ هزار و ٦١١ سکالا ل پارێزگەها دهۆکێ و سێ هزار
و ٤١٨ سکالا ل سلێمانیێ و دوو هزار و ٤٧٦ سکالا ژی ل رێڤەبەریێن گەرمیان، راپەڕین،
زاخۆ و سۆران بووینە.