PM:02:21:12/06/2025
1048 جار خوێندراوەتەوە
+
-
ئێکەم زارۆکێ کورد ل ولاتێ
سعودیا ژدایکبوو، بەرپرسێ نڤیسینگەها حەج و عومرەیا سۆران ژی بۆ ئێن ئاڕ تی
راگەهاند، ئەو ژنە ئاکنجیا سنورێ خەلیفانە و ل نەخۆشخانەیا باژێرێ مەدینە زارۆک
بوویە و ناڤێ زارۆکی کریە محەمەد.
ئەڤرپ پێنجشەمبی، یوسف
چۆمانی بەرپرسێ نڤیسینگەها حەج و عومرەیا سۆران بۆ ئێن ئاڕ تی ڕاگەهاند، ئەڤرۆ
ژنەکا کورد کو ئاکنجیا خەلیفانە ل سنورێ ئیدارەیا سۆران ل نەخۆشخانەیا باژێرێ
مەدینە زارۆکەک بوو.
ئاماژە ب وێ یەکێ ژی کر،
ئەڤە ئێکەم زارۆکێ کوردە ئەڤسالە ل ولاتێ سعودیا ژدایک دبیت و ناڤێ محەمەد لسەر هاتیەدانان
و د نها دا ساخلەمیا زارۆک و دایکێ ژی بنەجهە.
گوت ژی، وان سەرەدانا وێ
ژنێ کریە و هەمی کارئاسانی و خزمەتگوزاری بۆ دابین کرینە، د نها دا پێدڤیە
پاسپۆرتا دەمی بۆ وی زارۆکی بهێتە دروستکرن و ڤێ یەکێ ژی چەند رۆژ پێدڤی نە.