PM:10:47:05/11/2021
4184 جار خوێندراوەتەوە
+
-
ل پارێزگەها ئیسماعیلیە ل وەلاتێ مسرێ هێزین
ئەولەهیێ کێلگەهەک دیتنە کو تێدا گوهدرێژ (کەر) دهاتنە سەرژێکرن و پشترە گوشتێ وان
دکرنە قیمە، هەر د وێ هەلمەتێ دا دەست ب سەر ئێک تون گوشتێ گوهدرێژی دا هاتە گرتن.
رێڤەبەریا پۆلیسێن ئیسماعیلیە ل مسرێ
ڕاگەهاند، لسەر هەبوونا کێلگەهەکێ کو تێدا گوهدرێژ دهێنە سەرژێکرن و گوشتێ وان
دکەنە قیمە هاتینە هایدارکرن، هێزێن وان ڤەکۆلین دەستپێکرن و ڕاستیا هەبوونا
کێلگەهێ پشتراستکرن.
ئاماژە ب وێیەکێ ژی کر، پۆلیسان پشکنین بۆ وی
جهی کرینە ژبلی هەبوونا ژوورەکا تژی ژ گوهدرێژان کو هاتبوونە ئامادەکرن بۆ سەرژێرکرن،
جهەکێ تایبەت هەبوو بۆ سارکرن و جەمداندنا وان د کێلگەهێ دا کو هاتبوو ئامادەکرن
بۆ سەر ژێکرنێ.
پۆلیسێن ئیسماعیلیە بەحسا وێیەکێ ژی کر، د وێ
هەلمەتێ دا دەست بسەر نێزیکی ئێک تون گوشتێ گوهدرێژان دا گرتینە.
ل گۆرەی بڕیارا حکومەتا مسرێ، سەرژێکرنا
گوهدرێژان قەدەغەکریە و بتنێ رێکێ بسەرژێکرنا پەزی، چێل، گامێش، حێشتران دهێتە
دان.