PM:11:07:24/07/2021
1388 جار خوێندراوەتەوە
+
-
ژێدەرەکی ژ شاندێ
دانوستانکارێن عێراقێ ڕاگەهاند، هەیا نها دگەل ئەمریکا نەگەهشتنە چ لهەڤهاتنان دەربارەی
ڤکێشانا هێزێن ئەمریکا ل عێراقێ، دبێژیت ژی، "مە داخاز کریە ڕاهێنەر و
شێورمەندێن سەربازی بمینن و ئەمریکا ژی دڤێت هێزێ بهێلیت".
رۆپەلا رووسیا تودەی ژ
زارێ ژێدەرەکی ژ شاندێ دانستانکارێن عێراقێ بەلاڤکریە، گوتۆبێژ دگەل ئەمریکا دەربارەی
ڤەکێشانا تەمامیا هێزێن وان بەردەەوامە، ژبەرکو عێراق خوازیارە شێورمەندێن سەربازی
و ڕاهێنە بمینن، لێ ئەمریکا دڤێت هێزا خۆ ل عێراقێ بهێلیت.
وی ژێدەری ئاماژە ب
وێیەکێ ژی کر، هەیا نها ب ئاوایەکێ دەستپێکی دەربارەی ڤەکێشانا هێزێن ئەمریکا
نەگەهشتنە چ لهەڤهاتنان.
ئەڤە ژی د دەمەکی دایە،
نڤیسینگەها قاسم ئەعرەجی شێورمەندێ ئاسایشا نەتەوەیا عێراقێ ڕاگەهاندنەک بەلاڤکر و
تێدا دبێژیت، "ئالیێن ئەمریکی بۆ وان راگەهاندیە و تەکەز ل وێیەکێ کریە ئێدی
عێراق پێتڤی ب چ هێزێن شەرکەرێن بیانی نەمایە کو لسەر ئاخا وێ بمینیت".
بڕیارە رۆژا دووشەمبێ،
مستەفا کازمی سەرۆکوەزیرێن عێراقێ ب سەرەدانەکا فەرمی بگەهیتە واشنتن ب مەرەما
ئەنجامدانا گەڕا چارێ ژ گوتۆبێژێن ستراتیژی دناڤبەرا ئەمریکا و عێراقێ دا دەربارەی
ڤەکێشانا هێزێن وی وەلاتی ژ عێراقێ.