PM:02:22:30/10/2021
1728 جار خوێندراوەتەوە
+
-
چەند ڕۆژان بەریا
نها سەرۆکێ ئی پارتا تورکیا سەرەدانا باژێرەکێ باکورێ کوردستانێ کر و دسەرەدانێدا
وەلاتیەکی ژویرا گۆت، "ڤێرە کوردستانە"و پشتی وێیەکێ ئەو وەلاتی ب
تۆهمەتا "پروپاگەندەکرن بۆ تیرۆرێ" هاتە دەستەسەرکرن.
حەفتیا دەربازبووی
مەڕال ئاکشنەر سەرۆکێ ئی پارتا تورکیا سەرەدانا باژێرێ مسرجێ یا سەر ب پارێزگەها
سێرتا باکورێ کوردستانێ کر و دسەرەدانێدا ژ نێزیکڤە چاڤپێکەفتن دگەل وەلاتیان کر.
ئەوا بوویە جهێ
بالکێشیێ ئێک ژ وان وەلاتیێن چاڤ ب ئاکشەنەری کەفتین، "ئینکاریێ ل زمانێ مە
(زمانێ کوردی) دکەن، ئینکاریێ ل ناسناڤا مەدکەن، ئینکاریێ ل هەبوونا کوردستانێ دکەن،
ئەز دبێژمەوە کو ئەم دژی ڤێ چەندێینە و هەبوونامە هەیە".
د بەرسڤێدا، سەرۆکێ
ئی پارتی دبێژیت، "تو ڤێرە ب کوردستان بناڤدبەی و دکاری بڤی ئاوایی ناڤێ وێ بینی".
گۆتۆبێژا وان
بەردەوام دبیت و وەلاتی دبێژیت، "ڤێرە کوردستانە ئەرێ ئینکارا ڤێ ڕاساتیێ
دهێتەکرن؟"، ئاکشەنەری ژی گۆتیە، "ئەڤە بۆ کەسێن دی جودایە و ئەواتو
دبێژی لسەر ڕازی نینم، ئەڤە پارچە پارچەکرنا ولاتێ مەیە".
هەرپشتی وان
گۆتنێن وی وەلاتی، هێزێن ئەولەکاریا پارێزگەها سێرتێ هاتنە دەنگ و بەحسا وێیەکێ
کر، ئەو وەلاتی ب تۆهەمەیا "پڕوپاگەندەکرن بۆ تیرۆرێ" دەستەسەرکریە و
ڤەکۆلین دگەل وی بەردەوامن.