AM:11:51:24/07/2021
2500 جار خوێندراوەتەوە
+
-
ژێدەرەکی ژ وەزارەتا داراییا هەرێمێ بۆ ئێن ئاڕ تی
ڕاگەهاند، چاڤەڕێینە ئەڤرۆ شەمبیێ، بڕیارا جڤاتا وەزیران بگەهیتە دەستێ وان
دەربارەی چەوانیا پارڤەکرنا مووچەیێ ڤێ مەهێ.
ژێدەری ئەوژی دیارکریە، ئەوانا ل حەفتیا دەربازبووی داخازا
میکانزمان کریە، ئەگەر ئەڤرۆ بەرسڤا وان بهێتە دان سوبەهی دێ دەست ب پارڤەکرنا
مووچەی کەن.
بەریا نهاژی، محەمەد سەعدەدین بڕیاردەرێ لژنەیا دارایی ل
پەرلەمانێ کوردستانێ ڕاگەهاند، ب ئەگەرەکێ زێدە بۆ ڤێ مەهێ دێ گوهڕانکاری بسەر
لێبڕینا مووچەی دا هێت، لێ ب داوی ناهێت، دبێژیت ژی، دبیت مووچە گیروببیت.
ئاماژە ب وێیەکێ ژی کریە، "ئەو داهاتێ هەی بۆ ڤێ
مەهێ بەشێ زێدەتر ژ تەمویات ٧٩%ی یا مووچەی دکەت و رێژەیا لێبڕینا مووچەی دێ هێتە
کێمکرن، لێ ب داوی ناهێت"، "ئەگەر بەغدا بەردەوامبیت ژ پارڤەکرنا ٢٠٠
ملیاران، د مەهێن بهێت دا حکومەتا هەرێمێ دێ داهاتێن خۆ رێکئێخیت و دێ لێبڕنا
مووچەی ب داوی هێت".
پشتى چەند مەهان ژ دەستبەکاربوونا کابینەیا نەهێ حکومەتا
هەرێمێ، لێبڕینا موچەى ب رێژەیا ٢١٪ دەستیپێکر و دگەل وێیەکێ ژى دا ، حکومەتا هەرێمێ
موچەیێ پێنج مەهێن سالا دەربازبووى یێ فەرمانبەران پارڤەنەکریە، بڕیار بوو ٢٥ی هەمى
مەهەکێ و هەر ٣٠ رۆژان جارەکێ مووچەى پارڤەکەن، لێ د ڤێ مەهێ دا ١٧ رۆژان مووچە
پاشکەفت و دیار نینە ڤێ مەهێ ژی چ میکانزمەکی بیت و کەنگی دێ هێتە دان.
ئەڤە زێدەباری بهایێ پەتڕۆلێ بۆ زێدەتر ژ ٧٠ دۆلاران
بلندبوویە و بهایێ دۆلاری ژی ل هەمبەر دیناری بلندبوویە، هەڤدەم داهات زێدەبووینە،
لێ مووچەخۆر ب لێبڕینا ٢١% مووچەی وەردگرن و چ سوزەک ژی نینە کو لێبڕینا مووچەی
بهێتە لادان و رووهن نینە دێ حکومەت چەندێ ژێ کێم بیت.