PM:10:12:26/10/2021
3644 جار خوێندراوەتەوە
+
-
وەزارەتا
پەروەردەیا هەرێمێ حەفت بڕیارێن تایبەت ب وەرگرتنا ڤاکسینێ و جێبەجێکرنا رێنمایێن
ساخلەمیێ د ناڤ خاندنگەهاندا و تێدا هاتیە، "مۆلەت ب تنێ ئێک مەهـ دایە
فەرمانبەران و ماموستایێن ناڤەندێن خاندنێ بۆ وەرگرتنا ڤاکسینی".
ئەفرۆ
سێشەمبی، وەزارەتا پەروەردەیا هەرێمێ د ڕاگەهاندنەکێدا حەفت بڕیارێن نوی یێن
پشتەڤانیێ ب رێنمایێن لژنەیا بلندا بەرهنگاربوونا کۆرۆنایێ دەرئێخستن.
وەزارەتا
پەروەردێ ئاماژە ب وێیەکێ ژی کریە، "پێتڤیە تەڤایا ماموستایان و فەرمانبەر و
خوێندکارێن ل خاندنگەهێن حکومی و نەحکومی ماسکی ب گرێدەن".
دیارکریە
ژی، "پێتڤیە ماموستا و فەرمانبەرێن تەڤایا ناڤەندێن خاندنێ هەیا رۆژا ١ی
کانوونا ئێکێ یا ٢٠٢١ێ ڤاکسین وەرگرتبیت"، دبێژیت ژی، "بەرۆڤاژی لدویف
یاسایا ساخلەمیا گشتی و یاسایا بەرزەفتیا فەرمانبەرێن دەولەتێ دێ سەرەدەری دگەل
هێتە کرن".
د
درێژیا بڕیاراندا، وەزارەتا پەروەردێ بەحسا وێیەکێ ژی کریە، "هەمی ئەو
خوێندکارێن کو ژیێ وانا زێدەترە ژ ١٨ سالان، پێتڤیە هەیا هەمان دەمێ بۆ ماموستایان
هاتیە دیارکرن، ڤاکسین وەرگرتبیت".
هەڤدەم،
دیارکر، "دەستهەلاتا تەمام لدەف پارێزگار و سەرپەرشتێن ئیدارەیێن سەربخۆیە
لسەر پێشنیارا دامەزراوەیێن ساخلەمی؛ بۆ بەردەوامبوون و ڕاگرتنا پرۆسەیا خاندنێ".
دوهی
ژی، لژنەیا بەرهنگاربوونا کۆرۆنایێ ل هەرێمێ کۆمەکا بڕیارێن نوی دەرئێخستن و لدویف
بڕیاران، رێیێن ڤەگۆهاستنێ ب گشتی ب شۆفێر و سەرنشینڤە پێتڤیە پابەندی گرێدانا
ماسکی بن.
دەقێ بڕیارێن وەزارەتا پەروەردەیا هەرێمێ: