AM:10:44:22/07/2021
1336 جار خوێندراوەتەوە
+
-
جڤاتا ئاسایشا نەتەوەیێن هەڤگرتی ئیدانەیا تەقینا دەڤەرا
سەدر یا بەغدا کر داخاز ژی کر، د زیترین دەمدا تاوانبار بگەهیتە سزایێ خۆ.
ئەڤرۆ پێنج شەمبی، جڤاتا
ئاسایشا نەتەوەیێن هەڤگرتی د ڕاگەهاندنەکێدا بەحسا وێیەکێ کر، ب توندترین رەنگ ئیدانەیا
تەقینا ١٩ تەمموزێ دکەین کو بازارەکێ مللی ل دەڤەرا سەدر یا باژێرێ بەغدا کربوو
ئارمانج و داعشێ بەرپرسیارەتیا خۆ ژ وێ بوویەرێ ڕاگەهاند و بوویە سەدەمێ ژیان ژدەستدانا
٣٠ کەسان.
هەروەسا جڤاتێ داخازکریە د زیترین دەمدا تاوانبار
بگەهیتە سزایێ خۆ.
د پشکەکا دیا ڕاگەهاندنێ دا، جڤاتا ئاسایشێ پشتەڤانیا خۆ
بۆ سەربەخۆیی، سەروەری، ئێکەتی، ئێکپارچەیی و قوناغا دیموکراسیا عێراقێ تەکەزکر.
ئەڤە ددەمەکیدایە، ل ١٩ تەمموزێ تەقینەک ل بازارەکێ مللی
دەڤەرا سەدر یا باژێرێ بەغدا روویدا و بوویە سەدەمێ ژیان ژ دەستدانا ٣٠ کەسان و
برینداربوونا زێدەتر ژ ٥٠ کەسان.